Перейти к содержимому
Саха АССР төрүттэммитэ 100 сылын Боро5он нэһилиэгин дьоно — сэргэтэ сүргэлэрэ көтөҕүллэн үөрэ — көтө бэлиэтээтилэр.Үөрүүлээх тэрээһин нэһилиэкпит тэрилтэлэрин парадынан са5аланна.»Түһүлгэ» сынньалан киинин таһыттан сахалыы былаахтары, транспарааннары, Бүлүү улууһун, нэһилиэкпит дьаралыктарын күөрэччи тутан, аҕа баһылык Андрей Иннокентьевич Иванов инники күөҥҥэ дьонун — сэргэтин батыһыннаран ыытааччы доллоһутар куолаһыгар уйдаран «Албан аат» скверыгар тиийдилэр. Сквергэ киириилэригэр нэһилиэкпит олохтоохторо ытыс дохсун тыаһынан, Семен Федоров сахалыы кылыьахтаах куолаьынан тойук туойан уруйдаан, айхаллаан көрүстүлэр. Ол кэннэ Өрөспүүбүлүкэбит былааҕын күөрэччи таһаардылар аҕа баһылык Андрей Иннокентьевич Иванов, бэтэрээн сэбиэтин бэрэсэдээтэ Март Михайлович Спиридонов, Саха өрөспүүбүлүкэтин үөрэҕириитин систиэмэтин бочуоттаах бэтэрээнэ, учууталлар учууталлара, Бороҕон нэһилиэгин бочуоттаах олохтооҕо Лидия Павловна Каратаева. Олус долгутуулаах, эмиэ да саха буоларбытынан киэн тутта былаахпытын өрө күөрэтэн, Өрөгөй ырыатынан до5уьуоллатан инникигэ эрэл кыымын саҕан санаабытын бөҕөргөттө.Тэрээһиммит биир сүрүн сүөгэй сүмэтинэн буолла Өрөспүүбүлүкэбит автономиятын төрүттэспит улуу дьоммут П.А.Ойуунускай, М.К. Аммосов, И.Н.Барахов, С.М.Аржаков киирэн «Былааһы сэбиэккэ» хоһоону ааҕан дьон кутун — сүргэтин көтөхтүлэр.Салҕыы эҕэрдэ тыллар этилиннилэр, ылбаҕай ырыаларынан кэрэ хатыламмат куоластарынан Надежда Абрамова, Валерий Еремеев, Елисей Белолюбскай, Семен Федоров, «Дуораан» эр дьон ансаамбыла дьон болҕомтотун тартылар. Дьэ уонна Саха төрүт түһүлгэтин төрүттээн оһуохай оонньуубутун оройуттан туттубут, эһиэкэйбитин эҥээриттэн ылан бары биир сомоҕо буоларбытын туоһулаан күргүөм оһуокайы төрүттээтибит. Хатыламмат эйээритэр куолаһынан Семен Федоров түһүлгэни төрүттээн иилээн — саҕалаан барда, кини бүтүүтүн саҕана иилэ хабан олоҥхону утумнааччы, уһуйааччы, Т.П.Гоголев — Олоҥхоһут Доропуун кыыһа Наталья Трофимовна Прокопьева этэн тыынан түмүктээтэ. Олохтоох библиотека Саргылана Петровна Каратаева «Ааспыт кэм ахтылҕана» ретро быыстапка туруорда. Өбүгэлэрбит тутта сылдьыбыт тэриллэрин, малларын-салларын эдэр көлүөнэ ыччата сэргээн көрдө.Улахан дьон уруккуларын санаан, үөрэн сүргэлэрэ көтөҕүллэнэ. Ити курдук Өрөспүүбүлүкэбит тэриллибит күнүгэр нэьилиэкпит сүүһүнэн олохтоохторо кыттыыны ыланнар үрдүк таһымнаахтык буолан ааста. Бу тэрээһиҥҥэ кыттыбыт күүс — көмө буолбут дьоммутугар барҕа махтал тылларын аныыбыт.Куруук субу курдук көхтөөх биир сомоҕо буолуоҕун диэн ыҥыра, аныгыскы көрсүөххэ дылы дии хаалабыт????☀️??????????????
Вам также может понравиться
