Алтынньы 19 күнүгэр Саха сирин ийэлэрин күнүн үөрүүлээхтик бэлиэтээтибит. Ол курдук нэhилиэкпит элбэх оҕолоох эдэр ийэлэрин чиэстээтибит-бочуоттаатыбыт. Олохтоох дьаhалта аатыттан эҕэрдэ тылы тириэртэ специалист Маргарита Афанасьевна Алексеева уонна эдэр ийэлэргэ э5эрдэ суруктары, сэмэй бэлэхтэри туттартаата. Саамай долгутуулаах түгэнинэн СВО-ҕа ытык иэhин толоро сылдьар хорсун буойуммут, Григорий Родионович Федоров уонна кини уола Проня Федоров төрөппүт ийэтин, эбэтин Антонина Васильевна Федорованы эҕэрдэлээн ыыппыт видеоларын экран нөҥүө ийэтигэр көрдөрүү буолла.
Залга мустубут дьон бары да олус долгуйан, эмиэ да киэн туттуу ис санаалаах көрдүбүт, иhиттибит.
Э5эрдэ кэнниттэн Антонина Васильевна5а сиэн уол Проня а5атын уонна бэйэтин аатыттан сибэкки букетын ыыппытын дохсун ытыс тыаhыгар доҕуhуоллатан туттардыбыт.
Нэhилиэккэ ыытыллар бары тэрээhиннэргэ, нэьилиэк общественнай олоҕор мэлдьи инники күөҥҥэ сылдьар, элбэх оҕолоох ийэ, «Чэмэли» түмсүү чилиэнэ, нэhилиэк дьахталларын сэбиэтин салайааччыта Парасковья Степановна Федорова улууска ыытыллыбыт «Тепло родных сердец» тэрээhиҥҥэ ыҥырыллан улууска, Республика5а ыытыллар тэрээhиннэргэ мэлдьи ситиhиилээх, көхтөөх кыттытын иhин, эдэр ыччаты иитиигэ кылаатын иhин улуус главата С.Н.Винокуров уонна Республикатаа5ы дьахталлар Союзтарын председателя А.Е.Андреева почетнай грамоталарынан, улуустаа5ы дьахталлар сэбиэттэрин председателя М.К.Прокопьева махтал суруктарынан на5араадаланан кэлбитинэн э5эрдэлээтибит уонна нэьилиэкпит аатыттан э5эрдэ суругу, Туьулгэ КСК коллективын аатыттан сэмэй бэхпитин туттардыбыт. Ону сэргэ а5а күнүнэн эмиэ улууска ыытыллыбыт тэрээhиҥҥэ элбэх о5олоох дьиэ кэргэн баhылыга, Туьулгэ КСК уус уран салайааччыта, Саха Республикатын культуратын туйгуна, бастыҥ общественник Семен Федоров улуус баhылыга С.Н.Винокуров Почетнай грамотатынан на5араадаламмытынан эмиэ истиҥ э5эрдэбитин тиэртибит.
