2022 сыл ахсынньы 29 күнүгэр «Түһүлгэ» сынньалан киинигэр саҥа дьылы көрсө, сылын аайы ыытыллар «Бастыҥтан бастыҥнары» бэлиэтиир дьоро кэрэ — бэлиэ киэһэ буолан ааста. Олохтоох дьаһалта аҕа баһылыга Андрей Иннокентьевич Иванов нэьилиэгин дьонун — сэргэтин эҕэрдэлээн туран, сыл түмүгүнэн ситиьиилээх дьоммутугар на5араадалары, бэлиэлэри туттартаата. Ол курдук «Бороҕон нэһилиэгин социальнай — экономическай сайдыытыгар кылаатын иһин» анал бэлиэлэри туттарда Иванов Гаврил Гаврильевичка, Прокопьев Василий Андреевичка, Иннокентьев Владимир Афанасьевичка. Ону тэҥэ «Ытык саастаах Ийэ» ийэ сылын чэрчитинэн анал ааттары Матвеева Екатерина Герасимовнаҕа, Егорова Федосия Сергеевнаҕа, Тимофеева Мария Григорьевнаҕа, Иванова Вера Николаевнаҕа туттартаата. Бороҕон нэһилиэгэр элбэх сүөһүлээх, элбэх үүтү туттарбыт үлэһит дьоммутугар «Сүөһү иитэр бастыҥ хаһаайыстыба» үрдүк ааттары Алексеева Мария Семеновнаҕа, Никифоров Владимир Христофоровичка туттарда. Олохтоох дьаһалта сүрүн специалиһа Колтовская Тамара Иннокентьева «Кэскил», «Сайдам»,»Сарыал»,»Күндэ» түөлбэлэргэ «Көхтөөх үлэлээх түөлбэ» анал ааттары туттарда. Өрөспүүбүлүкэҕэ тыа хаһаайыстыбатын 100 сылын үбүлүөйнэй знагынан Зоя Николаевна Семенова, Маргарита Афанасьевна Алексеева наҕараадаланнылар. Салҕыы «Түһүлгэ» сынньалаҥ киинэ бэйэтин 2022 сыл түмүгүнэн, «Сыл көхтөөх кыттааччыта» анал ааты туттарда Еремеев Валерий Васильевичка. Николай Иванович Афанасьев аатынан орто оскуола директора Захарова Мария Прокопьевна «Сыл бастыҥ үлэһитэ» анал ааттары Федорова Юлия Семеновнаҕа, Гоголев Николай Николаевичка, Семенов Александр Филипповичка туттартаата. Бука бары кэлбит дьоннорбутун, наҕараадаламмыт дьоһун дьоммутун ылбаҕай ырыаларынан эҕэрдэлээтилэр эдэр кэскиллээх ырыаһыттарбыт Михаил Фомин, Руслан Гаврильев уонна уус — уран самодеятельность кыттыылаахтара. 2022 сыл түмүгүнэн Бороҕон дьоһун дьоно үлэлэригэр, нэьилиэк общественнай оло5ор ситиьиилэринэн оссо тогул э5эрдэлиибит уонна инникитин да ситиьиилэнэ, үүнэ сайда турдуннар диэн Айхаллаах алгыс тылбытын аныыбыт.
