Олунньу 8 кʏнʏгэр Российскай Федерация5а Аҕа дойдуну кɵмʏскээччилэр, Саха Өрɵспʏʏбʏлʏкэтигэр Ийэ дойдуну көмүскээччилэр, Бүлүү улууһугар Гавриил Иосифович Чиряев 100 сылыгар аналлаах уонна Улуу Кыайыы 80 сылын ʏɵрʏʏлээхтик арыйыы тэрээьинэ буолан ааста. Киирии фойе5а олохтоох библиотека туруорбут быыстапката дьон бол5омтотун тарта.
Саха сирин норуодунай учуутала, РСФСР уонна Саха АССР үтүѳлээх учуутала, А5а дойду улуу сэриитин бэтэрээнэ, Боро5он орто оскуолатыгар 46 сыл дириэктэринэн үлэлээбит ытык а5а аатын сүкпүт киһибит Николай Иванович Афанасьев «Ийэ5э сурук» диэн сэриигэ сылдьан суруйбут хоһоонунан дьʏһʏйʏʏннэн саҕаланна. Салгыы сценаҕа кыргыһыы хонуутугар дойдуларын дьоруойдуу кѳмүскээбит биир дойдулаахтарбыт ɵлбɵт -сʏппэт полкалара сэлэлии хааман киирбитин мустубут дьон, эмиэ да харааста, эмиэ да киэн тутта – долгуйа иһийэн кɵрʏстʏлэр.Ол кэннэ Юнармия оҕолоро Россия, Саха сирин, Бʏлʏʏбʏт улууһун уонна Кыайыы былаахтарын кʏɵрэччи тутан сценаҕа таһаардылар.
Дьэ ол кэнниттэн зал иһин толорбут Өрɵгɵйбʏт ырыаларын сʏһʏɵхпʏгэр туран иһиттибит, ылластыбыт. Дойдуларын туьугар бэриниилээхтик туруулаьа сылдьар эр санаалаах, хорсун- хоодуот уолаттарбытынан, анал байыаннай дьайыы кыттыылаахтарынан киэн туттан, кинилэр этэҥҥэ сылдьалларыгар алгыспытын анаан туран «Охсуһуу уотугар» диэн ырыаны Елисей Белолюбскай, Семен Федоров толордулар.
Бʏлʏʏ улууһунааҕы Охрана отделын начальнига, Бʏлʏʏ улууһун бойобуой дьайыылар бэтэрээннэрин салайааччыта, Юнармия уонна Росгвардия кылааһын салайааччыта, полиция майора Афанасий Николаевич Константинов ытык иэстэрин толоро сылдьар уолаттарбыт ийэлэригэр: Васильева Мария Кирилловна5а, Каратаева Надежда Васильевна5а, Быканова Мария Павловна5а, Колтовская Мотрена Константиновна5а «Матери защитника Отечества» мэдээллэри туттартаата.
Бүлүүбүт улууһугар биир дойдулаахпыт, Аҕа дойду Улуу сэриитин кыттыылааҕа, экономическай наука кандидата, муударай салайааччы, 17 сыл устата өрөспүүбүлүкэни сайдыыга салайан кэлбит Гавриил Иосифович Чиряев сылынан биллэриллибитэ. Быйыл төрөөбүтэ 100 сылын туолар. Бүлүү дьоно-сэргэтэ, норуот туһугар үлэлээбит-хамсаабыт, ылсыбыт дьыалатыгар үрдүк бэриниилээхтик үлэлээбит улуу киһибитигэр сүгүрүйэн Чиряев сылын улууспутугар баһылык Сергей Николаевич Винокуров биллэрбитэ. Киниэхэ аналлаах үгүс тэрээһиннэр ыытыллан кэлэр көлүөнэҕэ холобур буолуохтара.Гавриил Иосифович аатын эдэр кɵлʏɵнэ ыччакка сырдатта Мария Михайловна Фомина.
Саха сирин норуодунай учуутала, РСФСР уонна Саха АССР үтүѳлээх учуутала, А5а дойду улуу сэриитин бэтэрээнэ, Боро5он орто оскуолатыгар 46 сыл дириэктэринэн үлэлээбит, ытык а5а аатын сүкпүт киһибит Николай Иванович Афанасьев , бочуоттаах сынньаланӊа олорор, кини быйыл 100 сааьын туолар. Николай Иванович үлэлиир сылларыгар: дириэктэри иитэр үлэ5э солбуйааччытынан үлэлээбит Наталья Трофимовна Прокопьева Николай Иванович ʏлэтин-хамнаһын ахтан – санаан ааста.
Бүлүү улууһун бочуоттаах олохтоо5о, Россия тыатын хаһаайыстыбатын үтүѳлээх үлэһитэ, Боро5он нэһилиэгэр токарынан үлэлээбит, ааттаах — суоллаах тимир ууһа Кирилл Кириллович Мальцев тɵрɵɵбʏтэ 100 сылын бэлиэтиибит.
Кирилл Кириллович аатын сырдан, ахтан ааста Боро5он нэһилиэгин бочуоттаах олохтоо5о Анатолий Алексеевич Колтовской.
Дьэ ити курдук быйылгы сыл элбэх бэлиэ тʏгэннэрдээх сыл буолар. Бу сыллар чэрчилэринэн барыбытын улахан үлэ күүтэр.Бу сыл биһиэхэ эр киһи үрдүк аналын-төрөөбүт дойдуга тапталын, көмүскүүргэ бэлэмин, норуотун уонна чугас дьонун туһугар эппиэтинэһин, дойдуга бэриниилээх буолуутун,эр санаатын бэлиэтэ буолар.Оттон биһиги Ийэ дойдуларын көмүскээбит дьоммутун умнубаппыт уонна кинилэр сырдык кэриэстэригэр сүгүрүйэбит. Байыаннай дьайыы кыттыылаахтарыгар уонна бэтэрээннэригэр,саппааска сылдьар байыаннай сулууспалаахтарга махтанабыт.Тэрээһиммитин “Эйэ – дьол иһин” ырыаны мустубут дьон бары сʏһʏɵхпʏгэр туран ньиргиччи ыллаан тʏмʏктээтибит.
