Кулун тутар 15 күнүгэр Саха өрөспүүбүлүкэтин норуодунай поэта, Сө култууратын үтүөлээх үлэһитэ, П.А.Ойуунускай аатынан судаарыстыбаннай бириэмийэ лауреата, прозаик, тылбаасчыт, биир дойдулаахпыт Михаил Елисеевич Тимофеев 90 сааһын туолар күнүгэр аналлаах үөрүүлээх тэрээһин Марк Николаевич Жирков аатынан оройуоннааҕы култуура Дыбарыаһыгар буолан ааста. Бороҕон нэһилиэгиттэн 4 киһилээх делегация кыттыыны ыллылар.
Бу үөрүүлээх күнүнэн «Бүлүү улууһа (оройуона)» муниципальнай оройуон баһылыгын социальнай боппуруостарга солбуйааччыта Александр Анатольевич Прокопьев «Кыргыдай нэһилиэгэ» муниципальнай тэриллии баһылыга Василий Егорович Александров, «Бороҕон нэһилиэгэ» муниципальнай тэриллии главнай специалиһа Тамара Иннокентьевна Колтовская ону сэргэ Оройуоннааҕы культура сайдыытын уонна норуот айымньытын киинин салайааччытын эбээһинэһин толорооччута Никита Вячеславович Додудов эҕэрдэлээтилэр. Михаил Елисеев Тимофеев хоһоонноругар айыллан тахсыбыт ырыаларын көрөөччүлэр биһирэбиллэрин ылбыт ымыылаах ырыаһыттар Кыргыдайтан Анна Иванова, Өкүндүттэн Агафья Петрова, Бороҕонтон Семен Федоров, Бөтүҥтэн Күн Күннэй, Бүлүү куоратыттан Августина Семенова, Камилла Семенова ылбаҕай ырыаларынан тэрээһини киэргэттилэр, СӨ култууратын үтүөлээх үлэһитэ Светлана Зинурова салайааччылаах «Ай-Лаана» уонна Юлия Федорова салайар «Кэрэли» үҥкүү бөлөхтөрө кэрэ үҥкүүлэринэн ситэрэн-хоторон биэрдилэр.
Тэрээһин норуодунай поэт биир дойдулаахпыт Михаил Тимофеев тылыгар суруллубут Саха Өрөспүүбүлүкэтин Өрөгөйүн ырыатынан түмүктэннэ. Михаил Елисеевич суруйан хаалларбыт хоһоонноро өссө да ыллана турдуннар, айымньылара ааҕылла ахтылла сырыттыннар.
