XV үбүлүөйдээх Олонхо ыһыаҕа түмүктэннэ. Икки күн устата барбыт күрэстэр саха төрүт культурата, ийэ тылбыт, үгэстэрбит сүппэттэрин, үйэлэри уҥуордаан, үүнэр көлүөнэҕэ бэриллэ туралларыгар туһуланан ыытылыннылар. Биһиги нэһилиэктэн күрэхтэргэ кэккэ ситиһиилэрдээх кыттыыны ыллыбыт.
Ол курдук, Семен Федоров «Дэгэйэ дьиэрэй, дьиэрэһитэр дэгэрэҥ» дэгэрэҥ ырыа күрэҕэр 2 миэстэни ылан 40 тыһыанчалаах сертификатынан, «Кылыгырыы дьиэрэй, кылыһахтаах тойугум» тойук күрэҕэр «Добун тойуксут» анал ааты ылан 3 тыһыанчалаах сертификатынан, Наталья Прокопьева олонхону биирдиилээн толорооччулар күрэхтэригэр » Добун тойуктаах олонхоьут» анал ааты ылан 5 тыһыанчалаах сертификатынан наҕараадаланнылар. Ону таһынан Семен Федоров Бүлүүтээҕи В.О.Каратаев аатынан олонхо бөлөҕөр Үрүҥ уолан оруолун толорон кытынна. Бөлөх 2 миэстэни ылан 50 тыһ.сертификатынан наҕараадаланнылар.
Сахабыт ырыатын тойугун өрө туппут талааннаах дьоммутун үрдүк ситиһиилэринэн эҕэрдэлиибит. Эдэр көлүөнэ дьоммутугар холобур буолан ыллыы туойа сылдьаргытынан киэн туттабыт, махтанабыт. Инникитин да ситиһиилэр кэлэ турдуннар.
