Бүгүн муус устар 24 кʏнʏгэр оһуохай күнүн кɵрсɵ, «Түһүлгэ» сынньалаҥ киинигэр «Улыбка» уһуйаан кырачаан иитиллээччилэрэ, кинилэри көрөр -истэр иитээччилэрин кытары киирэн сахабыт тɵрʏт ʏҥкʏʏтʏн оһуокай туһунан билиһиннэрии тэрээьинэ буолан ааста.Оһуохай суолтатын туһунан кулууп специалиһа норуот ырыаһыта, тойуксут, алгысчыт, оһуокайдьыт Семен Федоров оҕолорго кэпсээтэ, нэһилиэк оһуокайдьыттарын уруккутун уонна билиҥҥитин билиһиннэрдэ. Салҕыы оһуокай хаамыытын, этиитин, көтүтүүтүн, хайдах туттан хаптан хаамалларын көрдөрдө, устунан оһуокай түһүлгэтин төрүттээн, этэн- тыынан түмүктээтилэр. Кырачаан кэнчээри оҕолорбут оһуокайдьыт буолуохпут диэн этинэн, астынан тарҕастылар. Оһуокайбыт биһиэнэ куруук дуораһыйа, этиллэ туруохтун — үйэлэртэн үйэлэргэ.
![](https://borogonkck.ru/wp-content/uploads/2024/05/1-9.jpg)
![](https://borogonkck.ru/wp-content/uploads/2024/05/2-9.jpg)
![](https://borogonkck.ru/wp-content/uploads/2024/05/3-9.jpg)
![](https://borogonkck.ru/wp-content/uploads/2024/05/4-9.jpg)
![](https://borogonkck.ru/wp-content/uploads/2024/05/5-9.jpg)
![](https://borogonkck.ru/wp-content/uploads/2024/05/6-6.jpg)
![](https://borogonkck.ru/wp-content/uploads/2024/05/8-7.jpg)
![](https://borogonkck.ru/wp-content/uploads/2024/05/7-6.jpg)