Конкурс «Хаарчаана Куо 2024»

Конкурс «Хаарчаана Куо 2024»

Ахсынньы 31 кʏнʏгэр саҥа дьыллааҕы тэрээҺин чэрчитинэн «Хаарчаана Куо 2024» кʏрэх ʏрдʏк таҺымнаахтык буолан ааста. Кʏрэххэ 4 кыыс кыттыыны ылла. Кыргыттар бары да сʏрдээх ʏчэйдик тэринэн, бэлэмнэммиттэрэ киҺи хара5ар быра5ыллар. Ол курдук Хаарчаана таҥастаах бэйэни блиьиннэрии, пародия, талааны кɵрдɵрʏʏ, зрительга оонньуу ыытыы, киэҺээҥҥи мааны былааччыйа тʏҺʏмэхтэргэ илин – кэлин тʏҺʏстʏлэр. Кыргыттарбыт бары да сʏрдээх талааннаахтарын кɵрɵɵччʏлэр бэлиэтээтилэр. Хас биирдии тʏҺʏмэххэ сыана5а тахсыыларын дохсун ытыс тыаҺынан доҕуҺуоллаан, ыҺыытаан-хааҺыытаан кʏʏс — кɵмɵ буоллулар. Карина Саввинова эстрада биллэр ырыаҺыта Айыы Уолун ʏʏт — ʏкчʏ пародиялаан, дьон – сэргэ биҺирэбилин ылыан ылла. Зоя Яковлева испания энергичнай ʏҥкʏʏтʏн толорон жюри ʏрдʏк сыанабылын ылбыта саарба5а суох. Кыргыттар бары араас дойду ʏҥкʏʏтʏн ʏрдʏк таҺымҥа толордулар. Авангард мода5а Сандаара Егорова ватмантан оноьуллубут кɵстʏʏмэ чахчы да биьи нэьилиэкпит Далбар хотуттара тарбахтарыгар талааннаахтарын бигэргэттэ. Хас биирдии тʏҺʏмэх быыҺыгар нэҺилиэкпит ырыаҺыттара саҥа дьылынан эҕэрдэлээн ылбаҕай ырыаларын бэлэх ууннулар. НаҺаа ʏчʏгэй дьоро киэҺэни бэлэхтээбит кэрэчээн кыргыттарбытыгар махтал баҺыыба тылларын анаан туран хайа баҕарар кʏрэххэ буоларын курдук маннык номинациялар жюри сыанабылынан ананнылар:

— Хаарчаана Куо – Карина Саввинова

— Сандаара Куо — Оля Каратаева

— Нарыйаана Куо — Зоя Яковлева

— Мичээрэ Куо — Сандара Егорова

Кэрэчээн кыргыттарбытыгар  КСК аатыттан анал лиэнтэлэри кэтэртибит, сыаналаах бириистэр, дипломнар туттарылыннылар уонна туолбэлэрин салайааччылара эмиэ эҕэрдэлэрин, махталларын тиэрдэн туран бириистэри туттартаатылар. Инникитин да ситиҺиилэри, мэлдьи дьон биьирэбилин ыла туруҥ диэн алгыспытын тиэрдэбит.

Добавить комментарий