«Страна чудес»

«Страна чудес»

Тохсунньу 6 кʏнʏгэр нэҺилиэкпит кырачаан о5олоругар аналлаах «Страна чудес» саҥа дьыллааҕы тэрээҺин буолан ааста. Тымныыны тымныы диэбэккэ мустубут кырачааннарбытыгар анаан аптаах остуоруйа туоруутуттан саҕаланна. Тымныы оҕонньору кытта тэҥҥэ Елкабыт уотун уматан харахтара чаҕылыҺа ʏɵрдʏлэр, онтон салгыы Тымныы оҕонньор кэҺиитин тутан ʏɵрʏʏлэрэ ɵссɵ ʏксээтэ. Елка тула хоробуоттаан, флешмоб ʏҥкʏʏлээн тэйдилэр.  ТэрээҺини кулууб ʏлэҺиттэрин кытта тэҥҥэ тэрийсэн, бэйэтин идеятын киллэрсэн, сʏрʏн оруолу толорон кʏʏс — кɵмɵ буолла Якутскайдааҕы культура колледжын студена, бэйэбит оҕобут Степан Быкалыров. Степа саҥа дьыллааҕы бары тэрээҺиннэргэ бэйэтин идеятын киллэрсэн, ʏлэҺиттэртэн хаалсыбахха тэбис тэҥҥэ тэрийсэн, талан ылбыт идэтигэр бэриниилээҕин бэлиэтии санаатыбыт уонна ʏɵрэҕин этэҥҥэ баҺылаан таҺаарыылаах ʏлэҺит буоларыгар эрэнэ хааллыбыт. Кырачааннарбыт ырыа, ʏҥкʏʏ, хоҺоон кэҺиилээх кэлбиттэрин Тымныы оҕонньорго иҺитиннэрдилэр, маскарад кэтэн сценаҕа тахсан кɵрдɵрдʏлэр. Ол тʏмʏгʏнэн Тымныы оҕонньор бэрэссэдээтэллэх дьʏʏллʏʏр сʏбэ миэстэлэри анаталаата:

Ырыа кʏрэҕэр:

 1 м. – Тайаана Каратаева

2 м. — Петя Кононов

Маскарад:

1 м. – Ирена Кононова

2 м – Уйгулан Михайлов

3 м – Артемий Андреев, Вася Христофоров

Yҥкʏʏ кʏрэҕэр:

1 м- Тайаана Каратаева

2 м – Артемий Андреев

3 м – Вася Попов

ХоҺоон кʏрэҕэр:

1 м – Тайаана Каратаева

2 м – Эрэл Старостин

3 м – Вася Попов

Кыайыылаахтар Тымныы оҕонньортон сэмэй бэлэхтэри, дипломнары туттулар. Бары мустубут о5олор минньигэс кэҺии тутан,ʏɵрэн — кɵтɵн эьиил ɵссɵ элбэх ырыа , хоьоон кэҺиилээх кэлиэх буолан тар5астылар. Кырачааннарга дьоро кʏнʏ бэлэхтииргэ кʏʏс — кɵмɵ буолбут кыттааччыларбытыгар Степан Быкалыровка, Настя Еремеева5а, Антон Колтовскойга, Дьулустан Егоровка, Альберт Саввиновка махталбытын тиэрдэбит, мэлдьи да маннык кɵхтɵɵх буолун диэн ба5а санаабытын тиэрдэбит.

Добавить комментарий