Ийэ тыллаах буоламмын
Иэйии кыымын саҕаммын
Ис санаабын сайаммын
Иэтэн хоһоон айабын.
Төрүт тыллаах буоламмын
Түһүүлэрбин, тахсыыбын
Туох баарынан этэммин
Тэттиктэргэ тиһэбин.
Олунньу 13 күнэ — Төрөөбүт тыл уонна сурук-бичик күнэ.
Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А.Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.
Бу күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.
Төрөөбүт тыл уонна сурук-бичик күнүн чэрчитинэн балаҕаммыт дьиэтигэр сэргэх тэрээьин буолан ааста. Тэрээһини дьиэ хаһаайката Наталья Трофимовна аал уотун аһатан, сиэр – туом толорон алгыс тылынан арыйда. Оскуола оҕолоро хоһоон аахтылар. Республиканскай олимпиада5а, улуснай куонкурска ʏчʏгэй буочарга миэстэлэспит о5олорго учууталлар: Матрена Андреевна, Агафия Иннокентьевна, Раиса Афанасьевна, Василина Эдуардовна уонна Наталья Егоровна грамоталары туттардылар.Ол кэннэ оҕолор хоһоон аахтылар. Олохтоох библиотека уонна оскуола библиотекаларын ʏлэһиттэрэ Айталина Гаврильевна, Саргылана Петровна сахалыы араас оонньуулары оонньоттулар. Сахалыы астах сандалыннан мустубут дьону кʏндʏлээтилэр. Тʏмʏккэ саха буоларбытынан киэн тутта оһуохайдаан тэйдибит. Оһуохайы таһаарда нэһилиэкпит биир биллэр, кɵстɵр оһуохайдьыта Наталья Трофимовна Прокопьева.
Сахалыы саҥалаах, сахалыы өйдөөх — толкуйдаах кэнэҕэски көлүөнэлэр элбии туралларыгар бары бииргэ үлэлиэх тустаахпыт.
САХАЛЫЫ САҤАРЫАҔЫҤ!
САРГЫНЫ САЛАЙЫАҔЫҤ!
