Кулун тутар 8 кʏнүгэр «Түһүлгэ» сынньалан киинигэр Кʏн күбэй ийэлэри, эйэҕэс эбээлэри, элэккэй эдьиийдэри, балыстары сааскы маҥнайгы бырааһынньыгынан эҕэрдэлээн туран «Истиҥ иэйии» дьоро киэһэтин тэрээьинэ үрдүк таһымҥа буолан ааста. Ону туоһулуур ыалдьыттарбыт ыаллыы сытар Тыымпы нэһилиэгиттэн кэрэ куолар, Кэбээйи Мукучутуттан дьиэ кэргэттэр кэлэннэр тэрээһиммитин өссө киэргэттилэр. Бу киэһэ ис дууһаттан этиллэр тыллардаах эҕэрдэлэр этилиннилэр, Бороҕон Эр хоһууттара ылбаҕай ырыаларын анаатылар, эрчимнээх үҥкүүлэрин бэлэх ууннулар. Мукучуттан кэлбит ыалдьыттарбыт Эр хоьууттара эмиэ бэйэлэрин эҕэрдэ ырыаларынан кыттыһан мустубут дьон биһирэбилин ыллылар. Итии чэйдээх сандалы тула олорон, кɵрдɵɵх-нардаах оонньуулары оонньоотулар, уоттаах-кʏɵстээх үҥкүүгэ киирэн үҥкүүлээн астынан, дуоһуйан, кэпсэтэн — ипсэтэн, бу тэрээһинтэн астыммыттарын биллэрэн махтанан, баһыыбалаан инники үлэбитигэр өссө ситиһиилэри баҕаран тарҕастылар. Баҕарабыт эһиэхэ Кэрэ куоларбытыгар, алаһа дьиэ Далбар Хотуттарыгар үлэҕитигэр үрдүк ситиһиилэри, баҕарбыккыт барыта баар буоллун, толкуйдаабыккыт туола турдун, олоххутугар дьолу-соргуну, кытаанах доруобуйаны, куруук субу курдук үөрэ-көтө, буолар тэрээһиннэрбитигэр көхтөөхтүк кыттыһан, кыттан иһин диэн баҕа санаабытын эттэхпит буоллун.
