Тимир уустара эт бэйэлэринэн, илиилэрин күүһүнэн итии таастар иннилэрин ыллахтара, сэп илбистээҕин, оҥоһук ураннааҕын оҥордохторо. Олохторун оҥостоорулар, удьуордарын ууһатаарылар, айыллыбыт айылҕаларыныын алгыһынан айаннаарылар, ааспыт, кэлэр үйэлэргэ ааттарын хааллардахтара. Биьиги киэн туттабыт Аар саарга аатырбыт Улуу ууспут Мальцев Кирилл Кирилловиһынан. Кирилл Кириллович 100 сааһыгар анаан, кини аатын ʏйэтитэр сыаллаах-соруктаах кини аймахтара, улуустааҕы култуура сайдыытын уонна норуот айымньытын орйуоннааҕы киинэ, нэһилиэкпит дьаһалтата, “Туьулгэ” культура киинэ, тэрийиилэринэн «Лыҥкынас тыллаах хомуһум» улуустаа5ы хомусчуттар кʏрэхтэрэ ыытылынна. Кʏрэхпитин Кирилл Кириллович аймахтара: Александрова Фаина Романовна, Колтовская Валентина Романовна, Алексеева Мария Никаноровна кɵрɵн — истэн сыаналаан маннык миэстэлэр олохтоннулар:
1 ʏрдэл Белолюбскай Елисей Елисеевич
2 ʏрдэл Софронов Станислав Анатолиевич
3 ʏрдэл Федорова Парасковья Степановна
1 ʏктэл Саввинова Айталина Анатольевна
2 ʏктэл Алексеева Маргарита Афанасьевна
3 ʏктэл Фомин Михаил Федорович
Бɵлɵҕʏнэн толорууга: 1 ʏрдэл “Дьʏрʏлгэн” хомусчуттар бɵлɵхтɵрɵ (салайааччы Каратаева А.Д)
Кылаан чыпчаал кыайыылааҕынан буолла Каратаева Анна Дмитриевна. Бары кыайыылаахтарга спонсардар туруорбут сыаналаах бириистэрэ, дипломнар туттарылыннылар. Кʏрэхпит спонсардарынан буоллулар Кирилл Кириллович Мальцев дьонноро, аймахтара, киэн туттар биллэр уустарбыт Мальцев Михаил Николаевич, Каратаев Андрей Николаевич, улуустааҕы култуура сайдыытын уонна норуот айымньытын оройуоннааҕы киинэ, “Бороҕоннооҕу Тʏһʏлгэ” культура киинэ. Бары спонсардарбытыгар улахан махталбытын тиэрдэбит.
Боро5он тимир уустарын ааттатар уус кыһатын уота инникитин да кытыаста умайарыгар баҕара хаалабыт!
