Алтынньы 23 күнүгэр балаҕан дьиэбит хаһаайката Наталья Прокопьева, олохтоох модельнай библиотекаттан Саргылана Каратаева, Айталина Саввинова, КСК «Түһүлгэ» специалистара Елисей Белолюбскай, Кюннэй Никифорова күһүҥҥү үлэни үмүрүтэн, кыстыкка үктэниинэн, нэһилиэкпит аҕам саастаах дьонугар эмиэ биир сэргэх тэрээһини ыыттылар. Ол курдук кэлбит дьоммут
былыргы сиэр-туому кэпсэтэн, викторина, остуол оонньуутун арааһын, көрдөөх оонньуулары оонньоон, ирэ — хоро кэпсэтэн, сандалы остуол тула олорон, итии чэйдээх күөрчэхтээх алаадьыны амсайан, сахалыы хойуу сэлиэйдээх ис миинин иһэн дуоһуйан тарҕастылар.
Нэһилиэкпит баһылыга Анатолий Олегович сэтинньи ыйга ыытыллар
тэрээһиннэри билиһиннэрдэ. Ол кэннэ оонньуубутун салҕаан, үөрэн — көтөн тарҕастыбыт.
Маннык тэрээһиннэр дьиэҕэ олорор саастаах дьоммут бэйэ-бэйэлэрин кытта алтыһалларыгар, сэргэхсийэллэригэр, этэҥҥэ сылдьалларыгар күүс-көмө, бигэ тирэх буоларын саарбаахтаабаппыт.
