Кулун тутар 14 күнүгэр Бүлүү улууһун Бороҕон нэһилиэгэр “ТҮҺҮЛГЭ” култуурунай-спортивнай комплексыгар В.О.Каратаев аатын ʏйэтитэр, эдэр кɵлʏɵнэҕэ, ыччакка билиһиннэрэр сыаллаах Арассыыйа норуоттарын сомоҕолоһууларын, Саха Өрɵспүүбүлүкэтигэр култуура, Бүлүү улууһугар утум уонна үүнүү-сайдыы, Бүлүү улууһун култууратын эйгэтигэр В.О. Каратаев төрөөбүтэ 100 сылларын чэрчитинэн ыытыллар “ТОХТОР ТОЙУК ТУОНАТА” тойуксуттар күрэстэрэ буолан ааста.
Бу күн кыттааччылар уонна ыалдьыттар В.О. Каратаев Дириҥ диэн күөл аттыгар төрөөбүт өтөҕөр баран сиэр-туом толордулар, оҕолоро Ольга уонна Анна Бүлүүгэ олорбут дьиэтин хатыҥын анныттан буорун аҕалан өйдөбүнньүк сэргэтин тэлгэһэтигэр куттулар.
Күрэх балаһыанньатынан кыттааччылар В.О. Каратаев олоҥхолоруттан тойуктарын (образтар ырыаларын) толорбуттара. Тойукка Каратаев матыыбын батыһыннараллара биһирэнэрэ. Күрэскэ үс бөлөҕүнэн кытыннылар. Ордук “Модун Эр Соҕотох” олоҥхоттон толордулар. Күрэскэ 13 кыттааччы кытынна. В.О.Каратаев айар үлэтин, оло5ун билиьиннэрэр быыстапка туруоруллан дьон бол5омтотун тарта.
Бастакы бөлөххө 1 үрдэл – Михаил ШАМАЕВ (Тааһаҕар)
2 үрдэл –Илья НАУМОВ (Таатта)
3 үрдэл – Айталина САВВИНОВА (Бороҕон)
Иккис бөлөххө 1 үрдэл – Парасковья ФЕДОРОВА (Бороҕон)
2 үрдэл – Анна ЧЕРКАШИНА — Алтыына Уотту (Чинэкэ)
3 үрдэл — Наталья НОВИКОВА (Тыымпы)
Үһүс бөлөххө 1 үрдэл – Маргарита ГРИГОРЬЕВА (Тааһаҕар)
2 үрдэл — Ньургуйаана САВВИНОВА (Бүлүү)
3 үрдэл -Наталья ПРОКОПЬЕВА (Бороҕон)
Кылаан Чыпчаал – Светлана Петровна ХАРЛАМПЬЕВА — Сыдьаайа (Бүлүү).
Светлана Петровнаҕа В.О. Каратаев оҕолоруттан 20 тыһыынча уу харчыннан бириистэрин Анна Васильевна МАНДАРОВА туттарда уонна ыраахтан сылдьар ыалдьыппытыгар Илья НАУМОВКА кинигэ бэлэх уунна.
Күрэс спонсордарыгар В.О. Каратаев урууларыгар-аймахтарыгар Семен Петрович Каратаев, Афанасий Петрович Каратаевтар оҕолоругар уонна Василий Осипович аҕатын кытта бииргэ төрөөбүт быраатын сиэннэригэр барҕа махталбытын тиэрдэбит.
Күрэс үрдүк таһымҥа ааспытыгар “Бороҕон нэҺилиэгэ” тыа сирин түɵлбэтин баһылыгар Анатолий Олегович ВАСИЛЬЕВКА, Бороҕоннооҕу “ТүҺүлгэ” культурнай-спортивнай комплекс директорыгар Анна Дмитриевна КАРАТАЕВАҔА, суоппарбытыгар Николай Федоровка махталбытын тиэрдэбит.
Ольга Васильевна Павлова култуура
сайдыытын уонна норуот айымньытын
оройуоннааҕы Киинин режиссера,
В.О.Каратаев кыыһа.
