Эҕэрдэ буолуохтун уоланнар,
Уол оҕо, эр киһи буолаҥҥыт,
Дойдугут туһугар иэскитин
Төлөспүт үтүөкэн чиэскитин!
Эн бэйэҥ эдэркээн саастаргар
Сулууспа диэн тугун билбитиҥ.
Эн уолуҥ туйаххын хатаран,
Төлөһөн кэлбитэ иэстэрин.
Уол оҕо уйанын, хатанын
Көлөһүн аллаҥҥыт билбиккит.
Сулууспа сууллубат устаабын
Соругун толорон сиппиккит.
Этэҥҥэ эргиллэн кэлбиккит,
Дойдугут долгуйа күүтэрэ.
Күлүмнүүр көстүбэт мэтээлгит
Киэн туттар түөскүтүн киэргэтэ….
