Блог

М.Е. Тимофеев 90 сылыгар аналлаах «Сулустан сураспытым» ырыа, «До5орго этиллибит чуумпу тыллар» хоьоон улуустаа5ы курэхтэрэ

⚜️⚜️⚜️⚜️⚜️⚜️⚜️⚜️⚜️⚜️⚜️⚜️Кулун тутар 1️9 күнүгэр Саха Өрөспүүбүлүкэтин норуодунай поэта, СӨ култууратын үтүөлээх үлэһитэ, П.А.Ойуунускай аатынан судаарыстыбаннай бириэмийэ лауреата, прозаик, тылбаасчыт, биир дойдулаахпыт Михаил Елисеевич Тимофеев 9️⃣0️⃣ сылыгар аналлаах ?»Доҕорго этиллибит чуумпу тыллар»? хоһоон уонна ?»Сулустан сураспытым» ырыа улуустааҕы күрэхтэрэ Бороҕоннооҕу «Түһүлгэ» сынньалаҥ киинигэр үрдүк таһымнаахтык буолан ааста. Күрэх үөрүүлээх аһыллыытыгар «Чэмэли» ийэлэр түмсүүлэрэ сахалыы ис киирбэх үҥкүүлэринэн дьон болҕомтотун тартылар, ол кэннэ Бороҕон нэһилиэгин аҕа баһылыга Андрей Иннокентьевич Иванов эҕэрдэ тылын нэһилиэгин дьонугар кэлбит ыалдьыттарга тириэртэ уонна күрэх кыттааччыларыгар барыларыгар ситиһиилэри баҕарарын туһунан этииннэн түмүктээтэ.
Урууларын аймахтарын ааттарыттан эҕэрдэ тылы эттэ олохтоох коммунальнай хаһаайыстыба салайааччыта Март Михайлович Спиридонов.
Нэһилиэкпит ытык кырдьаҕаһа Михаил Елисеевич Тимофеевы кытта Дьокуускай куоракка бииргэ үөрэммит үөлээннээҕэ, доҕоро Иннокентий Николаевич Иванов ахтан-санаан ааста.
Бу буолбут икки күрэхпитигэр уопсайа 28 кыттааччы илин-кэлин түһүстүлэр.
Күрэҕи сыаналаатылар:
Бүлүү куоратыттан Марк Николаевич Жирков аатынан оҕо ускуустубатын оскуолатын уһуйааччылара СӨ культууратын үтүөлээх үлэһитэ Алексей Иннокентьевич Васильев,
уһуйааччы Алгыстана Платоновна Сивцева,
Бороҕоннооҕу Николай Иванович Афанасьев аатынан орто оскуола нуучча тылыгар учуутала Елена Афанасьевна Мальцева ,
СӨ культууратын туйгуна, Түһүлгэ КСК директора Анна Дмитриевна Каратаева.
Күрэх кыттааччылара бары да үчүгэй бэлэмнээхтэрин, ырыаҕа, хоһооҥҥо үрдүк таһымнаахтарын жюри бэлиэтээтэ.
Ол курдук 1түһүмэх «Доҕорго этиллибит чуумпу тыллар» хоһоон күрэҕин кыайыылаахтарынан буоллулар:
«Кылаан чыпчаал»- Кюннэй Иванова (Бүлүү улууһа,Тааһаҕар нэһ.)
1 Үрдэл- Степа Быкалыров (Бүлүү улууһа,Бороҕон нэһ.)
2 Үрдэл- Арина Сергина (Бүлүү улууһа,Тыымпы нэһ.)
3 Үрдэл- Тимур Колтовской (Бүлүү улууһа,Бороҕон нэһ.)
1 Үктэл- Аика Тимофеева (Бүлүү улууһа,Бороҕон нэһ.)
2 Үктэл- Эльвира Яковлева (Бүлүү улууһа,Бороҕон нэһ.)
3 Үктэл- Ванесса Кононова (Бүлүү улууһа,Бороҕон нэһ.)
2 түһүмэххэ «Сулустан сураспытым» ырыа күрэҕин кыайыылаахтара:
Кылаан чыпчаал» Семен Федоров (Бүлүү улууһа,Бороҕон нэһ.)
1 Үрдэл- Надежда Абрамова (Бүлүү улууһа,Бороҕон нэһ.)
2 Үрдэл- Камилла Семенова (Бүлүү к.)
3 Үрдэл- Ульяна Фомина (Бүлүү улууһа,Бороҕон нэһ.)
1 Үктэл- Августина Семенова (Бүлүү к.)
2 Үктэл- Дария Никифорова (Бүлүү улууһа,Бороҕон нэһ.)
3 Үктэл- Мария Тимофеева (Бүлүү улууһа,Бороҕон нэһ.)
Анал ааттар:
«Көрөөччү биһирэбилэ» — Наталья Прокопьева (Бүлүү улууһа,Бороҕон нэһ.)
«Иэйиилээх ырыаһыт»- Александр Константинов (Бүлүү улууһа,Бороҕон нэһ.)
Биир дойдулаахпыт, саха норуодунай поэта Михаил Елисеевич Тимофеев хоһоонноро, хоһоонноругар суруллубут ырыалара көлүөнэттэн — көлүөнэҕэ уостан түспэххэ толорулла турдуннар.Кыттыыны ылбыт бар дьоммутугар махталбытын тиэрдэбит.Куруук бу курдук дьоҥҥутун — сэргэҕитин үөрдэ — көтүтэ сылдьыҥ диэн баҕа санаабыт бастыҥын аныыбыт. ????????????????

Добавить комментарий