Кулун тутар 25 күнүгэр М.Н.Жирков аатынан култуура дыбарыаьыгар култуура үлэьиттэрин идэлээх күннэрин бэлиэтиир тэрээьин ыытылынна. Тэрээьин «Культура Вилюйского улуса: наследие, традиции, современность» диэн кинигэ 2-с чааьын презентациятыттан са5аланна. Бу икки чаастаах Бүлүү улууьун культуратын сайдыытын сырдатар кинигэ автора, Саха Республикатын культуратын үтүолээх үлэьитэ, Россия журналистарын союьун чилиэнэ Надежда Николаевна Иванова.
Надежда Николаевна5а махтанан туран э5эрдэлэрин тиэртилэр Бүлүү улууьун баьылыга Сергей Николаевич Винокуров, Оройуон депутаттарын сэбиэтин председателя Гаврил Семенович Корякин, культура сайдыытын оройуоннаа5ы киинин директора Алена Александровна Дашевская. Нэьилиэктэр култуураларын тэрилтэлэрин директордара эмиэ э5эрдэ5э кыттыьан туран сибэкки дьорботун туттардылар. Нэьилиэктэр кулуубтарын директордарыгар барыларыгар бу кинигэни үорүүлээх быьыыга-майгыга туттартаатылар.
Тэрээьин иккис чааьыгар оройуон култууратын үлэьиттэригэр «Виват, культура» 2 этаптаах конкурс финалистарын күрэ5э буолла. Күрэх кыайыылаа5ынан буолла Тааьа5ардаа5ы «Эйгэ» норуот айымньытын дьиэтин директора Клавдия Васильевна Петрова.
Тэрээьин үорүүлээх чааьыгар култуура үлэтин бастыннарыгар на5араадалары туттарыы буолла. Култуура үлэьиттэрин идэлээх сойуустарын Бочуотунай грамотатынан на5араадаланна «Туьулгэ» КСК директора Анна Дмириевна Каратаева, махтал суругунан на5араадаланна уус-уран салайааччы Семен Семенович Федоров.
