Муус устар 9 күнүгэр, Сандал сааспытын көрсөр,үөрүүбүтүн үллэстэр,саргыбытын салайсар «Дорообо,сандал саас» бырааһынньык «Уһук күөл» Эбэ хотун киэн киэлитигэр «Түһүлгэ» сынньалаҥ киинин тэрийиитинэн үрдүк таһымнаахтык буолан ааста. Күрэх үөрүүлээх аһыллыытыгар Үрдүкү айыыларбытыттан Эбэбит иччититтэн айах тутан сахалыы тылынан көрдөһөн, силигин ситэрэн ис киирбэх тойук туойан доллоһутан Сэмэн Федоров алгыһынан саҕаланна.
Дьэ ол кэнниттэн дьон биһирэбилин ылбыт ? ?????? «Буран-2022» күрэх ыалдьааччылар ыһыыларынан — хаһыыларынан доҕуһуоллатан өрө күүрүүлээхтик ааста.
Күрэххэ 3 кыттааччы илин- кэлин түсүһэн бырааһынньыктааҕы настырыанньаны бэлэхтээтилэр.
Ол курдук күрэхпит 4 этабынан ыытылынна:
1 этап: 50м.сүүрэн тиийэн бураанын собуоттаан сүүрдэн тиийэн турар мастары икки ардынан охторбокко ааһан былааҕы эргийэн кэлэр.
2 этап: Бураанынан сүүрдэн тиийэн сыарҕатын холбонор салҕыы тиийэн балбаахтары куулга хаалаан сыарҕатыгар тиэнэн былааҕы эргийэн кэлэн сүөкэнэр.
3 этап: Бураанынан сүүрдэн тиийэр бу сырыыга 5 устуука чуукканы түөрт гына хайытан тиэнэн баран былааҕын эргийэн кэлэр.
4 этап: Биир кэлим баран былааҕы эргийэн кэлии.
Бу түһүмэхтэр түмүктэринэн Михаил Фомин эрэллээхтик бастаан кыайыы Өрөгөйүн биллэ.
2 миэстэ Федот Егоров,
3 миэстэ — Николай Иванов.
Миэстэлэринэн анаммыт бириистэрин үөрүүлээх быһыыга- майгыга дьон норуот ортотугар, ытыс хабыллар тыаһыгар доҕуһуоллатан туттарылынна.
Салҕыы биирдиилээн күрэхтэр кыайыылаахтарынан буоллулар:
? «Мааны былаат» :
1м — Антонина Иванова (Бүлүү,Бороҕон)
2м- Валентина Слепцова (Бүлүү,Кысыл-Сыр)
3м- Валентина Васильева (Дьокуускай к.)
? Чаанньык быраҕыыта:
1м- Анна Каратаева (Бүлүү,Бороҕон)
2м- Марианна Федорова (Бүлүү,Лөкөчөөн)
3- Мария Семенова (Сунтар у.)
? «Хаатынка быраҕыы»:
1м- Сергей Фомин (Дьокуускай к.)
2м- Сергей Ерошин (Бүлүү,Бороҕон)
3м- Анатолий Иванов (Покровскай)
? «Симэммит ачыкы:
1м- Мария Константинова
? «Канат тардыһыыта»
1м- Иванов Анатолий Тимофеевич хамаандата тэҥнээҕин булбакка эрэллээхтик бастаан харчынан бириис ылан үөрүүлэрэ өссө үрдээтэ күүстэригэр күүс эбиллибиккэ дылы буолла.
Бу тэрээһиҥҥэ кыттыбыт бар дьоммутугар махталбытын тиэрдэбит.Куруук бу курдук дьоҥҥутун — сэргэҕитин үөрдэ — көтүтэ сылдьыҥ диэн баҕа санаабыт бастыҥын аныыбыт.Дьоллоох чөл туруктаах буолун??????????????????
