Муус устар 15 күнүгэр Бүлүү улууьугар норуот маастарын күнэ, М.Н.Жирков аатынан культура дыбарыаьыгар буолан ааста.
Боро5он нэьилиэгэ былыр — былыргыттан тимир, мас уустара, уран тарбахтаах иистэнньэннэр улуутуйан үөскээбит нэьилиэктэринэн биллэр.Ол курдук норуот маастардара, хомус,тимир уустара Чемчоев Реворий Гаврильевич, Тимофеев Павел Григорьевич, норуот уус уран оноьутарын маастардара, уран тарбахтаах иистэнньэннэр Тимофеева Мария, Варвара Григорьевналар, Каратаева Лидия Павловна араас таьымнаах быыстапкаларга, көрүү күрэхтэргэ кыттаннар Ытык Бүлүү сирин, Боро5оннорун аатын үрдүктүк ааттаталлар.
Быйыл Россия норуоттарын культуратын нэьилиэстибэтин, Саха АССР төрүттэммитэ 100 сылыгар, Саха Республикатыгар Ийэ сылыгар уонна Бүлүү улууьугар биллиилээх дьон сылыгар анаммыт «Наше наследие» Республика5а ыытыллар көрүү күрэх 1 түьүмэ5ин улахан быыстапкатыгар биьиги нэьилиэкпит маастардара Лидия Павловна Каратаева, Мария, Варвара Григорьевна Тимофеевалар уран оноьуктарынан ситиьиилээхтик кытыннылар.
Норуот маастардарын дьоро күнүгэр нэьилиэкпит киэн туттар маастардарын чиэстээтибит, кинилэргэ нэьилиэк дьаьалтатын, олохтоохторун аатыттан махтал суруктары, өйдөбүнньүк бэлэхтэри уонна «Туьулгэ» КСК аатыттан сибэкки дьөрбөтүн туттардыбыт.

Э5эрдэ кэнсиэргэ нэьилиэкпит биир бастын ырыаьыта Семен Федоров кыттыыны ылла. Нэьилиэкпит талааннаах маастардарын ааттара ааттана турдун, айар үлэлэрин аартыга арыллан, үрдүк ситиьиилэр кэлэн истиннэр, кэлэр көлүөнэ ыччакка холобур буола сырыттыннар.