Ыам ыйын 8 күнүгэр, бүтүн Россиятааҕы «Свеча памяти» акцияҕа кыттыһан Кыайыы монуменыгыр мустан, Аҕа дойду Улуу сэриитигэр Ийэ дойду көмүскэлигэр сырдык тыыннарын толук уурбут хорсун буойуннары уонна билигин биһиги кэккэбитигэр суох сэрии бэтэрээннэрин кэриэстээн, кинилэргэ махтаныы,сүгүрүйүү бэлиэтигэр чүмэчилэри уматан, саас- сааһынан уурталаатылар.
1941 сыл, бэс ыйын 22 күнэ – аан дойду историятыгар алдьархайдаах күн. Сэрии уоттаах, кыа хаан аргыстаах, бары ыал аанын тоҥсуйбут кэмнэрин биһиги, 21-с үйэҕэ олорор сиэн дьоннор умнуо суох тустаахпыт! Акцияҕа кыттан, эйэлээх халлааны бэлэх ууммут ытык дьоммутугар сүгүрүйэн туран, кинилэр оҥорбут хорсун быьыыларын үйэ саас тухары өйбүтүгэр – сүрэхпитигэр илдьэ сылдьан кинилэр үрдүк ааттарыгар махтаныах, сүгүрүйүөх тустаахпыт диэн санааннан салайтаран кыра о5отуттан са5алаан нэьилиэк дьоно көхтөөх кыттыыны ылбыттара киһини үөрдэр.
СҮГҮРҮЙЭБИТ! КЭРИЭСТИИБИТ! МАХТАНАБЫТ!
Улуу Кыайыы күнэ
Эргиллибэтэх саллаакка
Ытык иэһи төннөрөр
Сүгүрүйэр Улуу күн.
