Перейти к содержимому
Бэс ыйын 17 күнүгэр аҕам саастаахтарбыт Сайыны көрсөр тэрээһиннэрэ буолан ааста.Тэрээһин нэһилиэк баһылыгын эҕэрдэтинэн саҕаланна. Астаах остуол тула олорон сэһэргэһэн, араас оонньуулары оонньоон, спортивнай күрэхтэргэ кыттан бэрт сэргэх тэрээһин буолан ааста. Бэтэрээннэр сэбиэттэрин председателя Март Михайлович активтарын кытта сүүрэн көтөн үөлүллүбүт балыгыттан саҕалаан, кус миинигэр тиийэ ас бөҕөнү астаан кырдьаҕастарын остуолун киэргэттилэр. Социальнай үлэһит Мария Константинова уонна оскуола библиотекаря Айталина Шелехова сонун, сэргэх спортивнай күрэхтэри тэрийэн ыыттылар. Аҕам саастаахтарбыт тэрээһинтэн астынан, дуоһуйан тэрийээччилэргэ махтал тылларын этэн тарҕастылар.
Вам также может понравиться
