Учуутал идэтин ʏрдʏктʏк тутууга, сыаналыырга анаан Россия президена Владимир Путин ыйааҕынан 2023 сыл Педагог уонна наставник сылынан, Сахабыт сирэ сайдарын туһугар ʏлэһит дьон бары тʏмсʏʏлээх сомоҕолоһуулаах буолуоххайыҥ диэн санааннан салайтаран Саха Өрɵɵпʏʏбʏлʏкэтин Ил Дархана Айсен Николаев уурааҕынан Өрɵɵпʏʏбʏлʏкэҕэ Yлэ сылынан, улууспут баһылыга Сергей Винокуров урааҕынан улууспутугар Доруобуйа сылынан биллэриллибитэ. Олунньу 4 кʏнʏгэр нэһилиэкпитигэр сылы ʏɵрʏʏлээхтик арыйыы тэрэһинэ буолан ааста.
Учууталлар уонна наставниктар – ханнык баҕарар уопсастыба тутаах дьонноро буолаллар. Yɵрэхтээһин уопсастыба, дойдубут сайдыытын, култууратын сʏрʏн оҥкула буолар. Тэрээһин ʏɵрʏʏлээх чааһыгар нэһилиэк баһылыгын солбуйааччы Айталина Афанасьевна Колтовская, Бороҕоннооҕу Николай Иванович Афанасьев аатынан орто оскуола дириэктэрэ Мария Прокопьевна Захарова, Туьулгэ КСК дириэктэрэ Анна Дмитриевна Каратаева эҕэрдэлээтилэр уонна нэһилиэкпит сайдыытыгар кылааттарын киллэрбит ʏлэһит — ʏтʏɵ дьоммутугар, ɵр кэмнэргэ ʏлэлээбит педагоктарбытыгар, нэһилиэкпит, улууспут культурата сайдарыгар кʏʏс — кɵмɵ, тирэх буола сылдьар дэгиттэр талааннаах дьоммутугар махтал суруктары, тыыннаах сибэкки дьɵрбɵтʏн уонна сэмэй бэлэхтэри туттартаатылар.
Тэрээһин иккис чааһыгар алын сʏһʏɵх уонна орто оскуола ʏлэьиттэрин, ону тэҥэ «Улыбка оҕо уьуйаанын ʏлэһиттэрин ортотугар «Yлэ киһини киэргэтэр» диэн ааттаах, алта тʏһʏмэхтээх кɵрʏʏ — кʏрэх буолла. Кʏрэххэ тʏɵртʏʏ киһилээх ʏс хамаанда кытыыны ыллылар. Хамаандалар уустан – ураннаан бэйэлэрин билиһиннэриилэриттэн саҕалаан кʏрэхпитин арыйдылар. Онтон салгыы хас биирдии команда бэйэтин тэрилтэтин улэтин хамнаьын кордорор «Человек труда – Человек дела» диэн видеоролик оҥорон а5алан кɵмʏскээтилэр, бэриллибит теманнан Импровизация, «Тесная компания» диэн кʏрэх, дьиэтээ5и сорудах «Один день из жизни педагога» диэн инсценировка туруоруута уонна буоларын курдук талааннарын кɵрдɵрɵр музыкальнай нʏɵмэр. Хамаандалар бары да талааннаахтара, тʏһʏмэх аайы кыһаллан, бэлэмнэнэн кэлбиттэрэ харахха тута быраҕыллар. Бииртэн биир киһи сэргиир нʏɵрдэрин кɵрдɵрɵн, кɵрɵɵччʏлэр дохсун ытыстарын тыастарынан доҕуһуоллатан, бэрт сэргэх дьоро киэһэни бэлэхтээтилэр. Жюри быьаарыытынан бастакы миэстэни «Таланты» диэн ааттаах «Улыбка» оҕо уһуйаанын хамаандата ылла. Иккис мэстэни «Учууталлар» хамаанда уонна ʏһʏс миэстэни «Пед.квартет» хамаанда ыллылар. Кыайыылаахтар дипломнары, харчыннан бирииьи тутан, кɵрɵɵччʏ махталын ылан ʏɵрэн — кɵтɵн тарҕастылар. Нэьилиэкпит пед. коллективыгар иитэр — ʏɵрэтэр ʏлэҕитигэр ʏрдʏктэн ʏрдʏк чыпчааллары, тус олоххутугар дьолу соргуну баҕарабыт.
