Кулун тутар 8 кʏнʏгэр Аан дойду дьахталларын кʏнʏн чэрчитинэн «Умат сулуспун» кʏрэх буолан ааста. Биир дойдулаахпыт, ырыаьыт Афанасий Каратаев Бʏлʏʏ куоратыттан уонна ыаллыы сытар Мукучу нэһилиэгиттэн эдэр ырыаһыт Сергей Иванов кэлэннэр кэрэ аҥардары эҕэрдэлээн ылбаҕай ырыаларын бэлэх ууннулар. Иккиэн да айылҕаттан бэриллибит кэрэ куоластаах ырыаһыттар, кɵрɵɵччʏ дохсун ытыһын тыаһынан доҕуһуоллатан хастыы да ырыаны ыллаан, дьон биһирэбилин ыллылар. Тʏɵлбэлэртэн кʏрэххэ кыттар ырыаһыттарбыт иккилии ырыаны толордулар. Сорох ырыаһыттар бастакытын маннык кʏрэххэ кыттар буолан олус долгуйан, ол да буоллар кыайыыга дьулуһан туран бэркэ кытыннылар. Бииртэн биир сэргэх ырыалар ылланнылар, бииртэн биир сонун ырыаһыттары кɵрɵɵччʏ сэҥээрэ иһиттэ. Тʏɵлбэлэртэн таҥыллыбыт жюри быһаарыытынан маннык миэстэлэр олохтоннулар:
1 истиэпэннээх ʏрдэл Надежда Абрамова, Айыына Гоголева
2 истиэпэннээх ʏрдэл Виктория Гоголева, Наталья Прокопьева
3 истиэпэннээх ʏрдэл Виолетта Николаева, Степа Быкалыров
Бары кыттааччыларга сибэкки дьɵрбɵтɵ туттарылынна уонна кыайыылаахтар сыаналаах бириис туттулар. Маннык дьоро киэһэни бэлэхтээбит бары кыттааччыларбытыгар, ырыаһыттарга спонсардаабыт тʏɵлбэлэргэ барҕа махталбытын тиэрдэбит. Олоххут устата ырыа аргыстаах буолуҥ, ситиһии сиэтилээх сылдьыҥ диэн баҕа санаабытын тиэрдэбит.
