Дорообо, бу дьоллоох ыам ыйа,
Дор5оонноох ырыалаах ыам ыйа
Кыайыылаах хотуулаах ыам ыйа
Yлэннэн дьоллонор ыам ыйа.
Муус устар 30 күнүгэр киэһэ 18 чаастан «Түһүлгэ» сынньалаҥ киинигэр, дойду үрдүнэн бүрүүкээбит уустук кэмҥэ хас биирдиибит тугу сатыырынан, кыайарынан бэйэ бэйэбитигэр көмөлөһүөх тустаахпыт диэн санаанан салайтаран нэһилиэкпит тэрилтэлэрин талба талаанаахтарын кʏʏһʏнэн «Бары биир сомоҕо» акция Концерт дьон болҕомтотун ылыан ылла.
Бииртэн биир бастыҥ нʏɵмэрдэр тахсан дьон сэргэ биһирэбилин ыллылар, дохсун ытыс тыаһынан доҕуһуолланнылар. Сахалыы саймаархай ырыабыт — тойукпут, үҥкүүбүт, көрбүт -көрүдьүөспүт санааны сааһылаан, хас биирдии кɵрɵɵччʏгэ уоскуланы тэниппитэ саарбаҕа суох. Олохтоох администрация фольклорнай бɵлɵҕун толоруутугар норуот ырыаларыгар попурри, Юлия Федорова, Виолета Тимофеева толорууларыгар индийскэй ʏҥкʏʏ, эдэр ыал Иванна, Михаил Фоминнар норуот ырыата, гос.учреждения коллективын толоруутугар “Сэһээккэ5э” сценка, ылбаҕай ырыаһыттар Наталья Прокопьева, Семен Федоров, Валерий Еремеев, Елисей Белолюбскай, Дария Никифорова, “Улыбка” оҕо тэрилтэтин коллективын ансамбыла уонна да атын бастыҥ толоруулаах нʏɵмэрдэри ааттаталыахха сɵп. Кɵрɵɵччʏлэр астынан, махтанан тарҕастылар.
Бэйэ-бэйэни ѳйѳһүү, түмсүү, сомо5олоһуу хаһан баҕарар ситиһии сиэтиилээх буоларын умнуо суохтаахпыт.
Акция концертка барыта 22 500 солк.киирдэ. Киирбит харчыны барытын быстах мобилизация5а барбыт хоһуун уоланнарбытыгар аныыбыт. Сир үрдүгэр мэлдьи ил-эйэ эрэ баар буоллун!
Ханнык да түгэӊӊэ-хайа да кэмӊэ эрэли сүтэримиэ5ин, мэлдьи үтүѳ5э, кэрэ5э эрэнэ оло5у олоруо5ун. Уолаттарбыт этэннэ дойдуларыгар эргиллэн кэлэллэригэр алгыһынан, айыы санааннан сылдьыа5ын!
