Ыам ыйын 24 күнүгэр Бороҕоннооҕу оскуолаҕа киириэн иннинээҕи «Аленушка» уонна «Кустук» иитээччилэрин итиэннэ иитиллээччилэрин күүтүүлээх — кэтэһиилээх оччуоттуур кэнсиэртэрэ үрдүк таһымҥа буолан ааста. Алааска араас дьэрэкээн сибэккилэр үүммүттэрин курдук таҥнан -симэнэн, оторой- моторой, мэник -тэник бэйэлэрэ боччумуран, кулууппут сыанатын киэн уораҕайыгар тахсан ылбаҕай ырыаларын, ойор — тэбэр оҕо саас үҥкүүлэрин киһи эрэ көрөн астыныах толорон, биир умнуллубат кэрэ киэһээни бэлэхтээтилэр. Бииртэн биир талааннах о5олор сыана5а тахсан көрөөччү дохсун ытыьын тыаьыгар до5уьуоллатан сэргэх, сонун кэнсиэрт буолла. Кэнсиэртэн киирбит үбү СВО сылдьар дьоммутугар көмө быһыытынан анаатылар. Нэһилиэкпит кырачаан оҕолоругар эйэлээх олоҕу, ыраас халлааны, чөл туруктаах дьоллоох оҕо сааһы баҕарабыт.
