Ыал дьоло оҕотугар
Кини саргыта оҕотугар
Кини кэскилэ оҕотугар
Оҕо олоҕун уйгута
Төрөппүт илиитигэр
Бэс ыйын 1 күнүгэр оҕо көмүскэлин күнүн бэлиэтиир биир кэрэ — бэлиэ күн, спортплощадкаҕа ыытылынна. Самаан сайыны уруйдуу-айхаллыы, үөрэ- көтө көрсөөрү оҕо аймах тоҕуоруһа муһунна. Саха дьоно буоларбыт быһыытынан, Семен Федоров аал уоту оттон, алгыс тыл этэн аан дойду иччилэрин айах тутуутунан саҕаланна. Ол кэннэ кырачаан оҕолорбут, «Аленушка», «Кустук» бөлөхтөрүн оҕолоро иитээччилэрин кытта парадтаан киирдилэр. Николай Иванович Афанасьев аатынан орто оскуола директора Мария Прокопьевна Захарова эҕэрдэлээтэ уонна ситиһиилэрдээх оҕолорго махтал суруктары, грамоталары туттартаата. Биир долгутуулаах түгэнинэн быйыл оскуолаҕа барар оҕолору алгыс тылынан атаарыы түгэнэ буолла. Дьэ ол кэннэ араас күрэхтэр тэрилиннилэр. Ол курдук «Сочный Стиль» семейнэй дресс кот күрэх, «Бэби парад» киэргэммит оҕо коляскаларын көрүү күрэх, спортивнай күрэхтэр. Ону таьынан олохтоох библиотека о5олорго аналлаах кинигэ быыстапката туруоран кырачаан о5олор кинигэ көрөөрү то5уорустулар. Кыра оҕотуттан саҕалаан ийэлэргэ, аҕаларга, эбээлэргэ тиийэ күрэхтэһэн кыайыы өрөгөйүн биллилэр, бириис тутан үөрдүлэр — көттүлэр. Араас аттракционнары төрөппүттэр тэрийэн ыыттылар. Мустубут о5о аймах оонньоон — көрүлээн, куоталаьан астынан , дуоьуйан тар5астылар. Кырачаан дьоммутугар умнуллубат кэрэ — бэлиэ түгэни бэлэхтээбит бары тэрийээччилэргэ махталбытын тиэрдэбит.
