Быйылгы тыйыс кыһыммытын этэҥҥэ туораан, күөххэ үктэнэммит, бэс ыйын 10 күнүгэр айылҕаҕа тахсан аҕам саастаах дьоммутугар «Хомустаах» түһүлгэҕэ ыһыах тэрилиннэ. А5ам саастаах дьоммут сүргэлэрэ көтө5үллэн, үөрэн-көтөн туран ыытыллыбыт тэрээьиннэ кытыннылар. Ол курдук ыллаан-туойан дьиэрэттилэр, үҥкүүлээн ойдулар, күрэхтэһэн да ыллылар,
Аар айылҕаны аһатан, айыыларга сүгүрүйэн, сиэр-туом толорулунна. Үөлүллүбүт собо, эмис эт, кус миинэ, уохтаах кымыс, сүөгэй, ас арааһа тардылынна. Мустубут дьону бэтэрээн сэбиэтин салайааччыта Март Михайлович эҕэрдэлээтэ уонна юбилейдаах дьонно сэмэй бэлэхтэри туттартаата, «Дуораан» болох уолаттара истиҥ ырыаларын бэлэхтээтилэр. Остуол оонньууларыгар оонньоон, күрэхтэһэн бириис ылан үөрдүлэр-көттүлэр.
Сылын аайы маннык ыытыллар тэрээьиммитигэр бэтэрээн сэбиэтин салайааччыта Март Михайлович сарсыарда эрдэттэн илим көрөн дьонун сэргэтин үөлүллүбүт собонон күндүллүүр. Киниэхэ илии — атах буолан көмөлөьөллөр Скрябин Петр Афанасьевич, Каратаев Александр Афанасьевич, Константинов Александр Николаевич, Федорова Вера Филипповна. Маннык үтүө санаалаах дьоммутугар бар5а махтал тылларын тиэрдэбит.
Аҕам саастаах дьоммутугар этэҥҥэ буолууну баҕарабыт, чугас дьоҥҥут истиҥ сыһыаннарыгар угуттанан өссө да уһуннук олорон сүбэҕитинэн-амаҕытынан көмөлөһө туруҥ диэн баҕа санаабытын тиэрдэбит.
