Өбүгэ дьоммут аҕыс ыйдаах адаҕыйан турбут кыһыны этэҥҥэ туораан, күөххэ үктэммит үөрүүлэрин Ыһыах ыһан көрсөр үтүө үгэстээхтэр. Ол сиэр-майгы быһыытынан биһиги Бороҕоммут нэһилиэгэр бэс ыйын 24-25 күннэригэр Хомустаах эбэбит кэрэ айылҕатыгар чороон айаҕы чуоҕутан, кэриэн иһити кэккэлэтэн, Алгыс иҥэринэн, самаан сайыны көрсөр Ыһыах ыстыбыт.
Ыһыахтыыр сирбитин саҥардан, тупсаран, көхтөөх үлэ хойукка диэри тигинээтэ. Түөлбэ салайааччылара дьоннорун-сэргэлэрин сатабыллаахтык аттара охсон, уустар уһаннылар, кэрэ куолар киэргэтэн, кырааскалаан дьэргэтэн, оҥорон-тупсаран кээстилэр. Үлэттэн дьолломмут, үлэни өрө
туппут дьоммутун үрдүк сыанаттан чиэстээтилэр, ону
тэҥэ СВО-ҕа сылдьар оҕолордоох ийэлэрибитигэр анал бэлиэлэри туттардылар, уолаттарбыт этэҥҥэ дойдуларыгар эргиллэн кэлэллэригэр баҕа санаа бастыҥа этилиннэ.
Үчэһэлээх эт өлгөмө, «Күндэ» түөлбэ хойуу астаах итии саламаата,
быырпах дэлэгэйэ Ыһыахпыт сандалытын маанылаах аһа буолан
киэркэйдилэр.
Омоллоон олоҕо, дьэргэстэй ыһыаҕа дьэ манна буолла диэтэххэ омуннааһын буолбата буолуо. Икки күнү быһа тигинэччи араас күөн күрэстэр тэриллибиттэрин бэлиэтиир тоҕоостоох.
Дьүүллүүр сүбэ нэһилиэк Түөлбэлэрин түһүлгэнэн киэргэтиилэрин, баай-талым сахалыы ас арааһын, иистэнньэҥ дьоммут тикпит мааны мандардаах таҥастарын, оһуокай уранын сыаналаан, тута кыайыылааҕы быһааран, биллэрэн испиттэрэ кэрэхсэбиллээх. Ол курдук көрүҥнэринэн маннык миэстэлэр олохтоннулар: «Ураты тарбахтаахтар,ураты дьоҕурдаахтар » уран оҥоһуктары көрүү күрэҕэр:
1м — Валентина Кондратьева.
2м — Игнатий Каратаев.
3м — Агафия Иннокентьева.
3м — Мария Белолюбская.
«Үс саха үҥкүүтэ» оһуокай күрэҕэр:
Оҕолорго:
1м — Степа Быкалыров.
2м — Айсена Николаева.
Эдэр ыччакка:
1м — Сааскылана Григорьева.
Улахан дьоҥҥо:
1м — Наталья Прокопьева.
2м — Маргарита Алексеева.
3м — Елисей Белолюбскай.
«Сахам сиэдэрэй таҥаһа»көрүү күрэххэ
7 дылы оҕолорго
1м- Тамина Мальцева.
2м — Милана Быкалырова.
3м — Камелия Алексеева.
Номинациялар: Алиса Алексеева,Алгыстана Григорьева,Фомина Аина.
8-17 дылы оҕолорго:
1м — Снежана Федорова.
2м — Степа Быкалыров.
3м — Байдам Белолюбскай.
Улахан дьоҥҥо:
1м — Ирина Кондратьева.
2м — Александр Константинов.
3м — Елисей Белолюбскай.
Сайдыы түмсүү бастыҥ түөлбэтэ» түөлбэлэри көрүү күрэххэ:
1м — «Сарыал» түөлбэ
2м — «Кэскил» түөлбэ
3м — «Күндэ» түөлбэ
Бары кыайыылаахтар сыаналаах бириистэринэн, дипломнарынан наҕараадаланнылар.
Биир күүтүүлээх «Бороҕон Боотура» эт-сиин баранар күүстээх күөн күрэһэ көрөөччүлэри улаханнык астыннарда. Муҥутуур кыайыылааҕынан инникигэ эрэлбит, кэскилбит Ньургун Алексеев буолла, сыаналаах бирииһинэн наҕараадаланна. Ол курдук Кыайыылааҕын туоһулуур анал сурук, бензиновай
генератор, «Камелек» чорооно.
Киэһэ 10ч. нэһилиэк биир киэн туттар успуордун стадионугар кулууппут үлэһиттэрэ сонун тэрээһини тэрийбиттэрин бэлиэтиири наадалааҕынан ааҕабыт. Ол курдук ылбаҕай ырыаны, үҥкүү-битии арааһын дуоһуйа көрдүбүт. Аһаҕас халлаан анныгар буолбут бу тэрээһин ураты тыыны, саҥа сүүрээни киллэрдэ. Ити кэннэ «Үрүҥ түүн» үҥкүүтэ тэрилиннэ.
Нөҥүө күнүгэр нэһилиэкит түөлбэлэринэн успуорт араас күрэҕэ тэриллэн, стадион ыкса киэһээҥэ диэри биир кэм ньиргийэн олордо.
Нэһилиэкпитигэр Ыһыахпыт тэрээһиннээхтик, түмсүүлээхтик барбытыгар олохтоох дьаһалтаҕа, кулууппут үлэһиттэригэр, успуорду тэрийээччигэ, түөлбэ салайааччыларыгар, нэһилиэкпит олохтоохтоохторугар барҕа махталбытын тиэрдэбит, этэҥҥэ буолууну кэрэһэлиибит.
Бороҕон нэһилиэгин олохтоохторо
