Нэьилиэкпит учууталларыгар дириҥник сүгүрүйэн,баҺаамнык махтанан туран, учуутал күнүнэн эҕэрдэ итии-истиҥ тылларын этээри, чиэстээри-бочуоттаары, куруук дьол – соргу эрэ тосхойдун диэн алгыс тылбытын анаан туран «Сʏгʏрʏйэбит эн ʏрдʏк аааккар» диэн дьоро киэһэни тэрийэн ыыттыбыт.
Бу үөрүүлээх күҥҥэ чиэстээн бочуоттаан аастыбыт өр сылларга үлүскэннээх үлэлэринэн хамнастарынан, киэҥ билиилэринэн көрүүлэринэн үгүс элбэх ыччаты уус тылга уһуйан, уран тылга салайан, билиигэ көрүүгэ такайан кэскиллээх эдэр үлэһиттэри, бастыҥ үтүө дьоннору иитэн таһаарбыт ветеран учууталларбытын:
1.Саха АССР, РСФСР үтүөлээх учуутала Афанасьев Николай Ивановиһы.
2.РСФСР үөрэҕириитин туйгуна Семенова Мария Даниловнаны
3.Методист воспитатель Семенов Иннокентий Тимофеевыһы
4.Правительство вице президенын махтал суругун хаһаайката, ветеран учуутал Матвеева Екатерина Герасимованы
5.РСФСР үөрэҕириитин туйгуна, ветеран учуутал Иванов Иннокентий НиколаевиҺы
6.Учууталлар учууталлара, педагог маастар, ветеран учуутал Каратаева Лидия Павловнаны
7.Норуот маастара, үөрэҕирии туйгуна Тимофеева Мария Григорьевнаны
8.Старшай пионер баһаатай, ветеран учуутал Гоголева Евдокия Гаврильевнаны
9. «За преданность учительской профессии номинация лауреата, ветеран учуутал Колтовская Светлана Николаевнаны
10.Российскай Федерация почетнай грамотатын хаҺаайката, ветеран учуутал Кондратьева Ирина Николаевнаны
11. Норуот маастара, үөрэҕирии туйгуна Тимофеева Варвара Григорьевнаны
12.Ветеран воспитатель Семенова Мария Михайловнаны
13.Ветеран воспитатель Абрамова Евдокия Прокопьевнаны
14.Ветеран учуутал Дмитриев Юрий Егоровиһы
15. Ветеран учуутал яковлев Николай Павловиьы
16.Yɵрэҕирии туйгуна, ветеран учуутал Спиридонов Март Михайловиьы.
Олохторун оҕону ʏɵрэтиигэ анаабыт ʏтʏɵкэн дьоммутун, билигин ʏлэлии сылдьар учууталлары эҕэрдэлээтэ «Бороҕон нэҺилиэгэ» муниципальнай тэриллии главнай специалиһа Тамара Иннокентьевна Колтовская уонна бастыҥ ʏлэлээх дьоммутугар ʏрдʏк наҕараадалары туттартаата.Кэлэр кэнчээри ыччаппыт ыллаан туойан музыкальнай эҕэрдэлэрин анаатылар.Онтон салгыы
олохтоох агрошкола директорын эбээьинэьин толорооччу Елена Афанасьевна Мальцева барҕа махтал тылларын , эҕэрдэтин анаан туран наҕараадалары, знактары туттартаата.
Үйэлэртэн үйэлэргэ
Үтүөкэннээх оскуолаҕа
Үүнэр үөскүүр көлүөнэҕэ
Үөрэх билии кыымын саҕа
Кылаас аанын оргууй аҺан
Киирэн кэлиэ учуутал
Ис сүрэхтэн тахсар истиҥ эҕэрдэбитин анаатыбыт 60 сааьын томтойо туолбут убаастабылаах Валентина Иннокентьевна Иванова5а, 65 сыллаах юбилейыдарынан Аркадий Христофорович Никифоровка уонна Петр Афанасьевич Скрябинна,75 сыллаах юбилейдарынан Ирина Николаевна Кондратьеваҕа, Светлана Николаевна Колтовская5а, 85 сыллаах ɵрɵгɵйдɵɵх юбилейынан хоолдьуктаах бэйэбит хоҥкуйан сахалыы сайаҕастык эҕэрдэбитин эттибит Иннокентий Николаевич Ивановка. 90 сыллаах ɵрɵгɵйдɵɵх юбилейынан Екатерина Герасимовна Матвееваҕа. Убаастыыр, киэн туттар учууталларбыт, олоххут устата эдэр кɵлʏɵнэ ыччаты билиигэ, ʏɵрэххэ сирдээбит, уһуйбут сыралаах ʏлэҕин ʏрдʏктʏк сыаналыыбыт, махтанабыт, киэн тутта ахтабыт.
Сʏʏһʏнэн ааҕыллар ʏɵрэнээччилэр кинилэр ʏрдʏк ааттарыгар сʏгʏрʏйэллэр, киэн тутталлар. Уонна араас сылларга ʏɵрэммит выпускниктар Сахабыт сирин араас муннуктарыттан бэйэлэрин видео эҕэрдэлэрин ыыппыттарын экран нɵҥʏɵ долгуйа кɵрдʏлэр.
Онтон салгыы остуол тула олорон оонньуу-көр, ааспыты ахтыһыы, уоттаах күөстээх үҥкүү-битии, эҕэрдэ ырыалар ылланнылар.
Үтүөҕэ, кэрэҕэ уҺуйбут
Үтүмэн үлэҕит сыаналаннын,
Үөрэппит ыччаккыт махталын
Үгүстүк истэҥҥит үөрээриҥ,
Күннэтэ үөрэххэ тардыҺар
Кэнчээри ыччаппыт туҺугар,
Дьоҕургутун талааҥҥытын арыйан
УҺуннук дьоҺуннук үлэлээҥ диэн баҕа санаабытын этэн туран тус олоххутугар дьолу соргуну баҕарабыт.
Үөрэнээччилэргит үрдүк ситиҺиилэринэн кынаттанан өссө да уҺун сылларга кырдьары ыалдьары билиммэххэ дьоллоохтук олоруҥ, ʏтʏɵ сʏбэһит буола сылдьыҥ.
