Саастарым, суолларын хаалларан,
Кыраман ыраахха сүттүлэр,
Ахтылҕан иэйиитин иҥэрэн,
Төннүбэт сирдэрин буллулар.
Сааһырыы суолугар үктэнэн
Саҥа дьол кустугун көрөбүн,
Сиэн оҕо минньийэ мичээрэн,
Сүрэхпин толорор үөрүүтүн.
Аан дойду үрдүнэн ыытыллар аҕам саастаах дьоҥҥо анаммыт күн чэрчитинэн нэһилиэкпитигэр араас сэргэх тэрээһиннэр буолан аастылар.
Көхтөөх дьоммут бары ыытыллар тэрээһиннэргэ үөрэ-көтө кэлэн кыттыстылар. Доруобуйа күннэригэр спортзалга, спортивнай площадкаҕа кэлэннэр астына дьарыктаннылар, дуобакка, остуол теннииһигэр, дартска, бильярка оонньоон күүстэрин холоннулар, хаалыктаах хаамтылар.
Ону таһынан иискэ-ууска баҕалаах дьоҥҥо анаан маастар- кылаастар ыытылыннылар. Олохтоох библиотека көҕүлээһининэн коллекционердар күрэхтэрэ тэрилиннэ.
Алтынньы 13 күнүгэр, декаданы түмүктүүр нэһилиэкпит аҕам саастаахтарыгар аналлаах «Кырдыы эмиэ кэрэлээх» бырааһынньык дьоро киэһэтэ тэрилиннэ. Тэрээьин эдэр ийэлэр э5эрдэ үнкүүлэринэн са5аланна. Э5эрдэ тылы нэьилиэкпит дьаьалтатын кылаабынай специалиьа Тамара Иннокентьевна Колтовская эттэ. Бэтэрээннэр сэбиэттэрин салайааччыта Март Михайлович Спиридонов бырааьынньыгынан э5эрдэлээн туран юбилейдаах дьоммутугар сэмэй бэдэхтэри туттартаата. Минньигэс астаах мааны остуол тула олорон истиҥ ырыалардаах концерт көрдүлэр, араас көрдөөх оонньуулары оонньоотулар, ойон туран үҥкүүлээн, оһуохайдаан да ыллылар, бириис, бэлэх тутан, өр кэмҥэ көрсүбэтэх үөлээннээхтэрин көрсөн, ирэ-хоро кэпсэтэн астынан, дуоьуйа сынньаннылар.
Аҕам саастаахтарбытыгар үөрүүнү үксэтэр, санааны санньыардар ыытыллыбыт бары тэрээьиннэргэ көхтөөхтүк кыттыбыт бар доммутугар тэрийээччилэр ааттарыттан махталбытын тиэрдэбит.
Аҕам саастаах дьоммутугар этэҥҥэ, чэгиэн буолууну баҕарабыт, чугас дьоҥҥут сылаас, сымнаҕас сыһыаннарынан угуттанан, дууһа кырдьара диэни билбэккэ уһун, дьоллоох олоҕу олороргутугар
баҕарабыт.
