Сир Ийэ барыбытыгар биир!
Сэриини утарабыт ол иһин!
Сиэттиһэбит илиилэртэн ылсан,
Сомоҕолоһуу күүһүн уруйдаан
Сэтинньи 4 күнүгэр нэһилиэк тэрилтэлэрин икки ардыгар ыытыллыбыт » Сила России – в единстве народа» бырааһынньыктааҕы тэрээһин ʏрдʏк таһымҥа буолан ааста. Манна нэһилиэк тэрилтэлэрэ анаммыт араас омук дойдутун таҥастарын-саптарын культураларын көрдөрдʏлэр, үҥкүүлэрин үҥкүүлээн тэйдилэр, ыллаан- туойан да ыллылар, бүтэһигэр талан ылбыт омуктарын аһын кɵрɵɵччʏ дьүүлүгэр таһаардылар уонна ол блюдаларын аукционнаан дьон хамаҕатык ыллылар. Тэрилтэлэрбит бары да сʏрдээҕин кыһаллан бэлэмнэммиттэрин кɵрɵɵччʏ да, дьʏʏллʏʏр сʏбэ да бэлиэтии кɵрдɵ. Уон араас омук тэтимнээх ʏҥкʏʏтʏн толорбуттарын кɵрɵɵччʏ сɵҕɵ — махтайа дохсун ытыс тыаһынан доҕуһуоллаата уонна ол омуктар национальнай таҥастарын таҥнан-симэнэн сценаҕа тахсан хаампыттарын киһи эрэ астына- дуоһуйа кɵрɵ олоруох курдук. Дьʏʏллʏʏр сʏбэ быһаарыытынан бу кɵрʏʏ-кʏрэххэ бастакы миэстэни гос.учреждениялар коллективтара ылла, иккис миэстэ Н.И.Афанасьев аатынан орто оскуола коллектива уонна ʏһʏс миэстэни олохтоох администрация коллектива ылла. Санааларын ууран тэрээһиҥҥэ кɵхтɵɵхтʏк кыттыбыт талааннаах дьоммутугар махтал тылларын тиэрдэбит.
Барыта үчүгэй
Өскөтүн халлааммыт ыраас буоллаҕына
Барыта үчүгэй
Өскөтүн аттыбар өйүүр дьон баар буоллаҕына
Барыта үчүгэй
Өскөтүн Алаһа дьиэбит сылаас буоллаҕына
Барыта үчүгэй
Өскөтүн күн аайы үчүгэйи баҕардахха.
