Ахсынньы 17 күнүгэр үлэ сылын чэрчитинэн нэһилиэк иһигэр ыытыллар «Сайдыы түмсүү бастыҥ түөлбэтэ» комплекснай көрүү күрэх иьинэн ыытыллар «Түөлбэ талаана 2023» фестиваль концерын «Сарыал» түөлбэ талба талааннаахтара көрдөрдүлэр. Концерт буоларын курдук хуор ырыатынан са5аланна.Хуор ырыатын түөлбэ күүстээх куоластаах ырыаьыттара Семен Федоров, Елисей Белолюбскай таьаардылар. Хомуска дьүьүйүү, көрдөөх чабыр5ахтар, индия, узбек үҥкүүлэрэ көрөөччү биьирэбилин ыллылар. Бииртэн биир ча5ылхай ырыалар дохсун ытыс тыаьынан до5уьуолланнылар. Биир хай5аллаа5а кэнсиэри саҥаран — иҥэрэн салайан ыытта оскуола үөрэнээччитэ Степа Быкалыров. Степа олох дикторскай куоластаах, инникигэ элбэ5и эрэннэрэр ыытааччы тахсан эрэр диэн сыаналаатыбыт. Сценка5а сүрүн оруолу толорбут Куннэй Никифорованы хайдах курдук итэ5этиилээхтик оонньуурун, сө5ө махтайа көрдүбүт. Уопсайынан концеры көрбүт эрэ киьи барыта астынна, дуоьуйда дии саныыбыт. «Сарыал» түөлбэ талба талааннаахтарыгар бар5а махтал тылларын аныыбыт. Инникитин да маннык көхтөөх буолуҥ, бар дьоннутугар үөрүү кыымын бэлэхтии сылдьыҥ диэн баҕара хаалабыт.
