Дойду бирисидиэнэ Владимир Владимирович Путин 2023 сыл сэтинньи 22 күнүгэр, 875 нʏɵмэрдээх укааһынан бу кэлбит сылы дьиэ кэргэн сылынан биллэрбитэ. Бу быһаарыыны дьиэ кэргэн сыаннастарын харыстыырга, киэҥник тарҕатыыга сыаллаах – соруктаах ылылынна. Дьиэ кэргэн диэн киһиэхэ саамай таптыыр, харыстыыр, холобур буолар, киэн туттар, кыһанар, саамай кэрэни баҕарар истин – иһирэх дьоммут буолаллар. Онтон Сахабыт сирин Ил Дархана Айсен Сергеевич Николаев 2024 сылы Саха сиригэр оҕо саас сылынан биллэрбитэ.Оҕолорбут эт – хаан, ѳй – санаа ѳттүнэн сайдалларыгар, сиэр- майгы ѳттүнэн тирэхтээх буолалларыгар күүспүтүн холбоон үлэлиэхтээхпит. Олоххо сѳптѳѳх суолу булалларыгар, талааннарын, дьоҕурдарын сайыннаралларыгар дьарыктаах буолалларыгар сѳптѳѳх эйгэлэр тэриллиэхтээхтэр.
Олунньу 7 кʏнʏгэр Туьулгэ киинигэр сылы ʏɵрʏʏлээхтик арыйыы тэрээһинэ ʏрдʏк таһымҥа ыытылынна.Тэрээьин Н.И.Афанасьев аатынан орто оскуола уонна «Улыбка» о5о уьуйаанын о5олорун флешмоб ʏҥкʏʏлэринэн арылынна. Сцена ʏɵһэннэн, аллараннан толору 60-ча оҕо-аймах, «Маленькая страна» ырыаннан биир тэҥник хамсанан ʏҥкʏʏлээбиттэрин кɵрɵɵччʏ сʏргэтэ кɵтɵҕʏллэ, астына, ытыс дохсун тыаһынан доҕуһуоллаата. Онтон салгыы Россия, Саха Республикатын ɵрɵгɵйʏн ырыалара ɵрɵ кʏʏрʏʏлээхтик ньиргийдэ. Нэһилиэкпит баһылыга Андрей Иннокентьевич Иванов сыл арыллыытынан эҕэрдэлээн туран нэһилиэкпит ытык-мааны дьиэ кэргэттэригэр Дьиэ кэргэн сылын бэлиэлэрин, э5эрдэ суруктары, ɵйдɵбʏнньʏк бэлэхтэри туттартаата. Н.И.Афанасьев аатынан орто оскуола директоры иитэр — ʏɵрэтэр ʏлэҕэ солбуйааччыта Парасковья Степановна Федорова элбэх оҕолоох дьиэ кэргэттэргэ сыл бэлиэлэрин туттартаата. Начальнай кылаастар учууталлара кылаастарын оҕолоругар подарочной сертификаттары туттартаатылар. Нэһилиэкпит талба талааннаах дьиэ кэргэтттэрин, кырачаан оҕолорбут, оскуолабыт ʏɵрэнээччилэрин кʏʏстэринэн эҕэрдэ кэнсиэри кɵрɵɵччʏ дохсун ытыс тыаһынан доҕуһуоллаан астына-дуоһуйа кɵрдɵ. Тэрээһиҥҥэ кɵхтɵɵх кыттыыны ылбыт оскуолабыт, уһуйааммыт коллективтарыгар марҕа махтал тылларын тиэрдэбит. Сыралаах ʏлэҕит таһаарыылаах буоллун, тус олоххутугар дьолу, саргыны баҕара хаалабыт
