СВО -ҕа сылдьар уолан уолаттарбытыгар, Эр хоһууттарбытыгар, эйэлээх олох туһугар туруулаһар дьоммутугар кɵмɵлɵһɵр саннааннан салайтаран олуннньу 23 кʏнʏгэр, «В единстве – наша сила» диэн акция концерт буолан ааста. Концертка детсад оҕолоруттан саҕалаан сцена ветераннарыгар тиийэ кɵхтɵɵх кыттыыны ыллылар. Сценаҕа бииртэн биир сонун нʏɵмэрдэр кɵрɵɵччʏ ытыһын тыаһынан доҕуһуолланан сэргэх кэнсиэр буолла. «Чэмэли» тʏмсʏʏ ʏҥкʏʏһʏттэрэ сонун ʏҥкʏʏлэри туруоран кɵрɵɵччʏ биһирэбилин ыллылар. Сцена ветераннара Наталья Прокопьева, Мария Тимофеева, эдэр ырыаһыттар Семен Федоров, Елисей Белолюбскай, Ульяна Фомина, Станислав Софронов ырыалара киһи эрэ сʏргэтин кɵтɵҕɵр истиҥнэр, иһирэхтэр. Кɵрдɵɵх сыанкалары табыллан толорор артыыстарбыт Татьяна Унарова, Николай Константинов, Изабелла Каратаева, Кʏннэй Никифорова, Тамара Колтовская бу да сырыыга кɵрɵɵччʏ дохсун ытыһын тыаһынан доҕуһуолланан олус табыллан оонньоотулар. Эйэлээх олох иһин ытык иэстэрин тɵлʏʏ сылдьар биир дойдулаахтарбытыгар кɵмɵлɵһɵр санааннан салайтаран бʏгʏҥҥʏ акция кэнсиэргэ кыттыыны ылбыт нэһилиэкпит дьонугар – сэргэтигэр махталбытын тиэрдэбит. Ойуурдаах куобах охтубат дииллэринии бэйэ-бэйэни ѳйѳһүү, түмсүү, сомо5олоһуу хаһан баҕарар ситиһии сиэтиилээх буоларын умнуо суохтаахпыт.
Акция концертка барыта 18 280 солк.киирдэ. Киирбит харчыны барытын быстах мобилизация5а барбыт хоһуун уоланнарбытыгар аныыбыт. Сир үрдүгэр мэлдьи ил-эйэ эрэ баар буоллун!
Ханнык да түгэӊӊэ-хайа да кэмӊэ эрэли сүтэримиэ5ин, мэлдьи үтүѳ5э, кэрэ5э эрэнэ оло5у олоруо5ун. Уолаттарбыт этэннэ дойдуларыгар эргиллэн кэлэллэригэр алгыһынан, айыы санааннан сылдьыа5ын!
