Кулун тутар 22 кʏнʏгэр Бʏлʏʏ куоратыгар «И.М.Гоголев – Кындыл» аатынан кииннэммит библиотека тэрийиитинэн Саха Өрɵспʏʏбʏлʏкэтин култууратын ʏтʏɵлээх ʏлэһитэ, П.А.Ойуунускай аатынан судаарыстыбаннай бириэмийэ лауреата, норуодунай поэт, биир бойдулаахпыт Михаил Елисеевич Тимофеев тɵрɵɵбʏтэ 92 сылыгар аналлаах «Биир иллээх дьиэ кэргэн тыына» диэн, поэт тылбааһыгар омук биллиилээх суруйааччыларын хоһооннорун уус – уран ааҕыыга улуустааҕы кʏрэх буолла. Онно биһи нэһилиэктэн библиотекарь Каратаева Саргылана Петровна салайааччылаах 3 оҕо, 3 улахан киһи ситиһиилээхтик кытыннылар. Ол курдук улахан дьоҥҥо Елисей Елисеевич Белолюбскай «Умсугутуулаах ааҕааччы», оҕолорго Степан Быкалыров «Иэйиилээх ааҕааччы» анал ааттары ылары ситистилэр. Инникитин да ситиһиилэр кэлэ турдуннар, мэлдьитин маннык кɵхтɵɵх буолуҥ диэн баҕа санаабытын тиэрдэбит.
