Муус устар 27 кʏнʏгэр Саха Өрөспүүбүлүкэтин күнүн Бороҕоммут нэһилиэгэр балаҕан дьиэбитигэр бэрт тэрээһиннээхтик, сэргэхтик, тыына- быара сахалыы сыдьаайан көмүлүөк оһохпутун оттон, айах тутан, кэлбит ыалдьыттары, тэрээһин кыттыылаахтарын арчылаан, ыраастаан кɵрʏстʏбʏт. Дьиэ хаһаайката Наталья Трофимовна үтүө тылларынан саҕалаата. «Түһүлгэ» сынньалаҥ киинин специалиһа Семен Федоров тыл этэн, сахалыы тойук кылыһахтаах ырыатын толорон, кэлбит дьон сүргэлэрин көтөхтө. Ол кэннэ Елисей Белолюбскай, Семен Федоров ырыаны ымыы гынан куйаарга көтүттүлэр. Олохтоох дьаһалта сүрүннүүр специалиһин солбуйааччыта Маргарита Афанасьевна нэһилиэк олохтоохторугар эҕэрдэ тылын эттэ. Киирбит эрэ киһи хараҕа хатанар автономияны тэрийсибит, туруорсубут, үлэлэспит дьоннору бука барыларын көрдөрөр- иһитиннэрэр «Сахам сирин таптыыбын» кинигэ быыстапканы туруордулар олохтоох модельнай библиотека үлэһиттэрэ- салайааччы Саргылана Петровна, Айталина Анатольевна. Дьэ салгыы түөлбэлэр икки ардыларыгар остуол оонньуутугар- хабылыкка, хаамыскаҕа үс бөлөҕүнэн илин — кэлин түһэр күрэхтэһиини иилээн — саҕалаан ыытта Март Михайлович. Суудьуйаларынан үс остуолунан үлэлээтилэр: Парасковья Степановна, Маргарита Афанасьевна, Акулина Михайловна. Бириэмэни көрдүлэр, оонньуу бэрт тыҥааһыннаахтык ааста. Күрэхтэһии түмүгүнэн маннык миэстэлэр таҕыстылар. Хабылык, хаамыска:
Оҕолорго
1м- Айгылаана Каратаева (Сарыал түөлбэ)
2м- Владимир Фомин (Кэскил түөлбэ)
3м- Зоя Яковлева (Күндэ түөлбэ)
18-50 саастарыгар диэри дьахталларга
1м- Даринна Ильинова (Кэскил түөлбэ)
2м- Айталина Саввинова (Сарыал түөлбэ)
3м- Саргыяна Готовцева (Күндэ түөлбэ)
Эр дьоҥҥо
1м- Алексей Готовцев (Күндэ түөлбэ)
2м- Семен Федоров (Сарыал түөлбэ)
50тан үөһэ дьахталларга
1м- Светлана Каратаева (Сарыал түөлбэ)
2м- Саргылана Каратаева (Күндэ түөлбэ)
3м — Мария Тимофеева (Кэскил түөлбэ)
Эр дьоҥҥо
1м- Март Спиридонов (Күндэ түөлбэ)
2м- Петр Скрябин (Кэскил түөлбэ)
3м- Алексей Николаев (Сарыал түөлбэ)
Түөлбэнэн уопсай түмүккэ:
1миэстэ — «Күндэ» түөлбэ
2миэстэ — «Сарыал» түөлбэ
3миэстэ — «Кэскил» түөлбэ
Тэрээһиҥҥэ, оонньууга көхтөөх кыттыыны ылбыт нэһилиэкпит олохтоохторугар махталбытын тиэрдэбит.
Өрүү бу курдук көхтөөх, иллээх, барыга бары инники буоларгытыгар баҕарабыт!
САХА ӨРӨСПҮҮБҮЛҮКЭТИН КҮНҮНЭН УРУЙ-АЙХАЛ БУОЛУОХТУН!
