Дьиэ кэргэн күнүн чэрчитинэн, сахабыт балаҕаныгар, истиҥ, сэргэх тэрээһин буолан ааста. Норуот педагогикатын туһанан дьиэ кэргэҥҥэ оҕону сахалыы тыыҥҥа иитиигэ төгүрүк остуол тула кэпсэтиһии буолла, Прокопьева Н.Т., Федорова П.С. туһалаах сүбэлэрин иһиттибит. Ону таһынан «Харах харатын курдук харыһыктаах мал» диэн дьиэ кэргэн реликвиятын быыстапката буолла, дьиэ кэргэҥҥэ оҕону иитии, дьиэ кэргэн сыаннастарын туһунан кэпсиир кинигэ быыстапката туруорулунна. Дьиэ кэргэн реликвиятын быыстапкатыгар кыттыбыт дьиэ кэргэттэр аҕалбыт малларын-салларын историятын кэпсээтилэр. «Саха сатаабатаҕа суох» диэнинэн салайтарар айар куттаах дьиэ кэргэн ийэлэрэ уран тарбахтарынан оҥорон таһаарбыт оҥоһуктарын аҕалан көрдөрдүлэр, уопуттарыттан үллэһиннилэр. Маанылаах сандалы тула минньигэстик чэйдээн, төрүт ас доруобуйаҕа туһатын туһунан иһиттибит, төрүт аһы астааһын табыгастаах ньымаларын, кистэлэҥнэрин туһунан элбэҕи биллибит. Бүгүҥҥү бэрт сэргэх тэрээһини иилээн-саҕалаан тэрийбит, ыыппыт оскуола учууталларыгар Прокопьева Н.Т., Федорова П.С., библиотека коллективыгар Каратаева С.П., Саввинова А.А., кэлэн кыттыыны ылбыт бары дьоммутугар махтанабыт.
