Ыам ыйын 18 күнүгэр, «Түһүлгэ» сынньалаҥ киинигэр Н.И. Афанасьев аатынан Бороҕон орто оскуолатын үөрэнээччилэрэ, учууталлара, үлэһиттэрэ отчуоттуур дьоро киэьэлэрэ буолан ааста. 2023 — 2024 үөрэх дьылын түмүктүүр үлэ ситиһиилэрин, инникитин туох былааннар — соруктар туралларын оскуола дириэктэрэ Мальцева Елена Афанасьевна кэпсээтэ, сырдатта. Ол кэннэ салгыы тылы оскуолаҕа киириэн иннинээҕи саастаах оҕо уһуйаанын дириэктэри солбуйааччыта Гаврильева Валентина Дмитриевна эҕэрдэлээтэ, бастын дьиэ кэргэттэригэр махтал суруктары туттарда.Өрөгөйдөөх чааска киирдэххэ ситиһиилээх учууталларга, үчүгэй, туйгун үөрэнээччилэргэ көмүс буукубанан суруллубут лиэнтэлэри кэтэртилэр, грамоталары туттардылар.
Үрдүк аат хаһаайыттарыгар, нэһилиэк олохтоохторугар анаммыт кэнсиэри дириэктэри иитэр үлэҕэ солбуйааччыта Федорова Парасковья Степановна, оскуола президенэ Степа Быкалыров салайан ыыттылар. Бииртэн биир сонун ырыалар, үҥкүүлэр сыана5а тахсан дьон сэргэ биьирэбилин ыллылар. Көрөөччү сэҥээриитин биллэрэн дохсуннук, ытыстара хабыллар тыаһынан доҕуһуоллаатылар. Бары да астынан, дуоһуйан, сынньанан тарҕастылар.
Биһиги оҕолорбутугар үөрэхтэригэр ситиһиини, туйгун сыаналары баҕарабыт, учууталларга, үлэһиттэргэ ситиһиилэри. Нэһилиэк тэрээһиннэригэр куруук биһигинниин бииргэ буолун. Дьоллоох, иллээх -эйэлээх олоҕу, ситиһии эрэ сиэттистин, табыллыы эрэ арыаллаатын диэн алгыспытын аныыбыт, этэҥҥэ буолуҥ.
