Сэтинньи 22 күнүгэр сыл устата түөлбэлэр икки ардыларыгар ыытыллар «Сайдыы түмсүү бастыҥ түөлбэтэ» көрүү – күрэх спортивнай блогун чэрчитинэн «Папа, мама и я спортивная семья» күрэх буолан ааста. Хомойуох иьин сорох түөлбэлэр кыттыыны ылбатылар. Ол да буоллар икки семья кыттан, илин – кэлин түсүhэн тыҥааhыннаах күрэх буолла. 10 этаптаах күрэх түмүгүнэн Елисей, Мария Белолюбскайдар дьиэ кэргэттэрэ 2 миэстэ, Павел, Айталина Андреевтар диэ кэргэттэрэ 1 миэстэни ыллылар Кыайыылаахтарга спорт специалиьа Анатолий Васильев мэдээллэри кэтэрдитэлээтэ уонна дипломнары уонна сэмэй бэлэхтэри туттартаата.Мэлдьи көхтөөх дьиэ кэргэттэрбитигэр махтал тылларын тиэрдэбит.
Маны таьынан бүгүн балаҕаҥҥа, анал байыаннай дьайыыга сылдьар хорсун-хоодуот уолаттарбытыгар ыытыллыахтаах хаххалыыр 1 сетканы өрөн бүтэрдилэр.ϴссө да салгыы өрүллүөхтээхтэр. Сетка өрүүтүгэр аҕам саастаах дьоммут активнай кыттыыны ыллылар. Кинилэргэ барҕа махталбытын олохтоох дьаhалта аатыттан тиэрдэбит.
Илиибит сылааһынан даҕайан, алгыстаах санаабытын иҥэрэн оҥорбут хаххалыыр сиэккэбит уолаттарбытын харыстыа, халыҥ хахха буолуо диэн эрэнэбит.
