Ахсынньы 1 кʏнʏгэр улуустааҕы култуура дыбарыаһыгар Россияҕа дьиэ кэргэн, Саха сиригэр оҕо сылын чэрчитинэн ыытыллыбыт «Дьиэ кэргэн – олох тɵрдɵ» улуустааҕы кʏрэх тʏмʏктʏʏр тʏһʏмэҕэ буолан ааста. Сыл устата ыытыллыбыт 10 этаптаах, улуус бары нэһилиэктэрэ кыттар кʏрэхтэрэ тʏмʏктэннэ. Биһиги нэһилиэктэн Белолюбскайдар дьиэ кэргэттэрэ ситиһиилээхтик кытыннылар. Кʏрэххэ барыта 14 ыал кыттыыны ылла. Биһи дьиэ кэргэттэрбит Белолюбскайдар кʏрэх тʏмʏгʏнэн «Талба талааннаах дьиэ кэргэн» ʏрдʏк аатын ыллылар уонна 10 тыһыанча солкуобайдаах сертификатынан наҕараадаланнылар. Нэһилиэктэрин аатын ааттаппыт дьиэ кэргэммитигэр махталбытын уонна истиҥ эҕэрдэбитин тиэрдэбит. Эдэр ыалга инникитин да ситиһиилэр кэлэ турдуннар, куруук маннык нэьилиэккит аатын ааттата сылдьыҥ диэн баҕа санаабытын анаабыт.
