Тохсунньу 9 кʏнʏгэр аҕам саастаах дьоммутугар анаан ʏгэскэ кубулуйбут сылын аайы ыытыллар саҥа дьылы кɵрсɵр тэрээҺин буолан ааста. Тымныы оҕонньор эҕэрдэлээн, онтон салгыы тэттик театральнай туруорууттан саҕалаанна. Тэтимнээх ырыалар быыстарыгар эҕэрдэ тыллар этилиннилэр. Кырдьаҕастар сэбиэттэрин бэрэссэдээтэлэ Март Михайлович Спиридонов эҕэрдэтин тиэрдэн туран ʏбʏлʏɵйдээх дьоммутугар эҕэрдэ суруктары, сэмэй бэлэхтэри туттартаата. Итии чэйдээх остуол тула олорон бэйэ – бэйэлэрин эҕэрдэлэҺэн, араас кɵрдɵɵх оонньууларга кыттан, быыҺыгар ойон туран ʏҥкʏʏлээн сэргэх тэрээҺин буолла. Куруук да буоларын курдук аҕам саастаах дьоммут сʏрдээх кɵхтɵɵхтɵрɵ киҺини ʏɵрдэр. Араас бириистээх оонньууларга кыттан ɵттʏк харалаах, илии тутуурдаах ʏɵрэн — кɵтɵн тарҕастылар. Мэлдьи инники кʏɵҥҥэ сылдьар, кɵхтɵɵх — кɵрдɵɵх аҕам саастаах дьоммутугар махтанан туран, куруук маннык ʏɵрэ — кɵтɵ сылдьыҥ, сааҺырдыбыт диэн олорон хаалбахха бар дьоҥҥут ортотугар сылдьыҥ диэн алгыспытын тиэрдэбит.







