Олунньу ый 13 күнүгэр Арыылаах нэһилиэгэр умнуллубат түгэн буолан ааста. Ыаллыы сытар нэһилиэктэр: Бөтүҥ, Тааһаҕар, Тыымпы, Бороҕон, Кыһыл Сыыр делегациялара кэлэннэр Улуу Кыайыы 80 сыллаах үбүлүөйүн көрсө Кыайыы знамятын «Бары бииргэ — Кыайыыга» диэн девизтээх эстафетаны туттулар. Биһиги нэһилиэктэн 13 киһилээх делегация баран кыттыыны ыллыбыт. «Кыайыы знамятын» көрсө кэллилэр Бүлүү улууһун баһылыгын социальнай политикаҕа солбуйааччы Комаров А.И, оройуон депутаттарын советын председателя Корякин Г.С, Бүлүү улууһун бэтэрээннэрин сэбиэтин председателя Николаев Ф.Ф, Росгвардия начальнига, полиция майора, Константинов А.Н. Кыайыы болуоссатыгар гирлянда, сибэкки дьөрбөтүн уурдулар.
Эрэл сынньалаҥ киинигэр «Кыайыы Знамятын» кэлбит нэһилиэк баһылыктара тутан Арыылаах нэһилиэгин баһылыгар Тимофеев А.А туттардылар.
Нэһилиэктэртэн истиҥ, эҕэрдэ нүөмэрдэр киэһээни киэргэттилэр.Биһигиттэн Семен Федоров, Саха сирин норуодунай учуутала, РСФСР уонна Саха АССР үтүѳлээх учуутала, А5а дойду улуу сэриитин бэтэрээнэ, Ытык а5а , Николай Иванович Афанасьев ,» Ийэҕэ сурук» хоһоонун ааҕан уонна оскуолабыт Юнармиятын оҕолоро «Харыстааҥ ветераннары» ырыаны ыллаан кɵрɵɵччʏлэр биһирэбиллэрин ыллылар.
Тыл эппиттэр Улуу Кыайыы Знамятын суолтатын туһунан тоһоҕолоон бэлиэтээтилэр. Кыайыы Былааҕын өрөспүүбүлүкэтээҕи эстафетата салгыы Бүлүү куоратыгар айаннаата.
