Блог

Бʏгʏн муус устар 5 кʏнʏгэр “Дорообо сандал саас” тэрээһин буолан ааста.

Бʏгʏҥҥʏ тэрээһиммит сʏрʏн кʏрэҕинэн буолла «Орто Бүлүү» совхоз чемпион тракториһа, механизированнай звеноларга Республика чулуу отчута Каратаев Афанасий Иванович – Чөмпүйүөн кэриэһигэр ыытыллар МТЗ-82 трактордах трактористар күрэхтэрэ. Бу кʏрэх биһиги нэһилиэкпитигэр ʏһʏс тɵгʏлʏн ыытылынна. Быйылгы кʏрэхпит Улуу Кыайыы 80 сылыгар, Россия5а а5а дойдуну кɵмʏскээччилэр, Саха сиригэр ийэ дойдуну    кɵмʏскээччилэр сылларыгар ананан ыытылынна. Ону таһынан бүгүҥҥү кэтэһиилээх быраһынньыкпыт иһинэн:

1. Остуолба5а ыттан культура киинин ʏлэһиттэрэ туруорбут сыаналаах бириистэрин ылыы иьин кʏрэх
2. Хаатынка быраҕыытыгар дьахталларга кʏрэх.
3. Эр дьонно чуурка быра5ыытыгар курэх
4. О5олорго тонуу хаарынан сʏʏрʏʏгэ кʏрэх
5. Дьахталларга куулунан бэрсии кʏрэҕэ ыытылыннар.

Тэрээһин «Чэмэли» тʏмсʏʏ толоруутугар «Илгэ» ʏҥкʏʏтʏнэн саҕаланна. Дьэ ол кэннэ тилэх баттаьа илгэлээх халлаан илин эҥэриттэн ʏʏс аас бэйэлээх ʏʏт маҥан таҥастаах Аан дархан алгысчыт Семен Федоров аҕыс аартыгы арыйан, тоҕус сʏллʏгэһи тʏһэрэн Аал уотун оттон, сыалаах арыылаах алаадьыннан айах тутан, кырылыы кыынньар кымыьынан сирин дойдутун аһатан, алгыс тʏһэрбитин тохтоон, болҕойон, чуумпуран иһиттибит, эппитигэр-хааммытыгар иҥэриннибит. Мантан салгыы эҕэрдэ тылларын эттилэр нэһилиэкпит баһылыгын солбуйааччыта Айталина Афанасьевна Колтовская, «Сыа Бʏлʏʏ» СХППК директора Алексей Алексеевич Кондратьев, Афанасий Каратаев – Чемпион кыра уола Афанасий Афанасьевич Каратаев уонна трактористар кʏрэхтэрин главнай судьуйата Борис Борисович Каримов. Нэьилиэкпит ыллам ырыаьыттара кʏрэх кыттааччыларыгар ситиьиилэри баҕаран, туран иэйиилээх ырыаларын бэлэх ууннулар. Ол кэннэ дьэ кʏʏтʏʏлээх – кэтэһиилээх кʏрэхпит саҕаланна.

Күрэхххэ барыта 9 тракторист кыттыыны ылла. Ол курдук Тыымпы нэhилиэгиттэн 4, Дьөккөнтөн 2, Боро5онтон 2,уонна Тааhаҕар нэьилиэгиттэн 1 кыттааччы. Кыттааччылар 5 түhүмэххэ илин- кэлин түсүhэн сүүрдэх тыҥааhыннаах киирсии түмүгүнэн маннык миэстэлэргэ тигистилэр:

1 миэстэ – Васильев Климентий Дмитриевич Тыымпы

2 миэстэ – Ионов Ньургустан Сидорович Дьөккөн

3 миэстэ – Николаев Василий Константинович Дьөккөн

Хас биирдии тʏһʏмэх аайы 3 бастыннарга мэдээллэр, дипломнар туттарылыннылар. Спонсардар туруорбут сыаналаах бириистэрэ хас биирдии кыттааччыга туттарылынна. Чемпион ʏрдʏк аатын ылбыт Климентий Дмитриевич Васильев аалай кыьыл, чемпион лиэнтэтин кэттэ. Тэрээьиннэ кыттыыны ылбыт тэрийсэччилэргэ, спонсардарга дьаһалта аатыттан махтал суруктар туттарылыннылар. Остуолаба5а ыттыы курэ5эр Алгыс Константинов бастакыннан са5алаан, туох да ыарыр5атыыта суох, сылбыр5аччы биэтэккэ тиийэн 1 блок ботуруон бирииьи ылла. Тыаллаах тымныы кун да буоллар тэрээьин сыалын — соругун ситтэ, кыттыыны ылбыт дьон астынан тар5астылар. Бары кыттааччыларбытыгар, спонсардарга бар5а махталбытын тиэрдэбит.