Ким да умнуллубат, туох да умнуллубат… Муус устар 26 күнүгэр Туһулгэ култуура киинигэр, анал байыаннай дьайыыга суох буолбут хорсун-хоодуот уолаттарбыт Скрябин Сергей Анатольевич, Скрябин Айсен Васильевич, Константинов Никита Александрович ааттарын ʏйэтитэр сыаллаах «Ким да умнуллубат, туох да умнуллубат» тэрээһин буолан ааста.
Тэрээһини кинилэр тɵрɵппʏттэрэ, аймахтара тэрийэн ыыттылар. Тэрээһиҥҥэ кыттыыны ыллылар дьонноро, аймахтара уонна Е.А. Степанова аатынан Тоҕустааҕы орто оскуола Айсен Скрябин — Луна аатынан Росгвардия кылааһын үөрэнээччилэрэ, оскуола дириэктэрэ Маайыска Григорьевна Тимофеева. Уолаттарбыт хорсун сырыыларын кордорор видеороликтар, хаартыскалар көрдөрүлүннүлэр, буойуттарга анааммыт хоьооннор аа5ылыннылар. Айсен Скрябин — Луна аатынан Росгвардия кылааһын үөрэнээччилэрэ хоьоонун дьүьүйүү туруордулар.
Бары билэрбит курдук, Бороҕонтон төрүттээх үгүс уолаттарбыт эйэлээх кэмҥэ дойдуларын туһугар араас байыаннай дьайыыларга Чечняҕа, Кавказка кыттыбыттара, хорсуннук сэриилэспиттэрэ. Аны билигин Украинаҕа буола турар анал байыаннай дьайыыга кытта сылдьаллар. Хорсун-хоодуот уолаттарбытыгар анаан сквер тутарга 2024 сылтан былааннаах үлэ саҕаламмыта. Нэһилиэк дьаһалтатын, улуустааҕы байыаннай дьайыылар бэтэрээннэрин Сэбиэтин быһаарыыларынан өйдөбүнньүк памятник оҥоһуутугар сакаас бэриллибитэ. Бу күннэргэ памятник оҥоһуллан бүтэн кэллэ. Памятник оҥоһуутугар нэһилиэк дьаһалтатын үбүттэн 600 тыһ. солк. төлөммүтэ. Салгыы сквер тутуутугар эмиэ үгүс үп наада буолар. Сквер тутуутун үлэтин бастакы уочарата саҕаланан, үбүлүөйдээх Кыайыы 80 сылыгар бүтүөхтээх. Тутуу үлэтэ бэйэ күүһүнэн, үтүө санаа акциятынан босхо барыа. Бʏгʏҥҥʏ тэрээһинтэн киирбит ʏп 5300 солк. уонна олохторун толук уурбут уолаттарбыт тɵрɵппʏттэрэ Скрябина Лидия Михайловна, Скрябина Альбина Петровна Прокопьев Николай Саввич дьиэ кэргэттэрэ, Наталья Амбросьевна, Александр Николаевич Константиновтар дьиэ кэргэттэрэ 30 000 солк. сквер тутуутун фондатыгар туттардылар.
Хорсун буойуттарбыт сырдык ааттара кɵлʏɵнэттэн кɵлʏɵнэҕэ ааттана туруо, кинилэр хорсун быһыылара ʏʏнэр кɵлʏɵнэ ыччакка холобур буолар.
