Улуу Кыайы Өрɵгɵйдɵɵх кʏнʏн кɵрсɵ ыам ыйын 8-9 кʏннэригэр Туьулгэ киининин фойетыгар уонна залыгар «Харыстыаҕыҥ ʏйэлээх ɵйдɵбʏлʏ» диэн ааттаах, Аҕа дойду Улуу сэриитин кэмигэр нэһилиэк олоҕо-дьаһаҕа, дьоно-сэргэтэ хайдах дьаһанан олорбуттарын, итиэннэ сэрии толоонугар кыргыспыт, олохторун толук уурбут, кыайыыны уһансыбыт уонна анал байыаннай дьайыыга сылдьар биир дойдулаахтарбыт тустарынан кэпсиир сэдэх хаартыскалар, ахтыылар, экспонаттар дьон көрүүтүгэр турдулар. Олохтоох библиотека ʏлэһиттэрэ Саргылана Петровна Каратаева, Айталина Анатаольевна Саввинова тэрийиилэринэн сʏрдээх баай ис хоһоонноох быыстапка туран дьон сэҥээриитин ылыан ылла. Манна нэһилиэкпит хорсун — хоодуот буойуттарын, Улуу сэрии бэтэрээннэрин олохторун сырдатар хаартыскалар, сэрииттэн суруктар, бэтэрээннэрбит тутта сылдьыбыт малларыгар тиийэ туруоруллубут. Быыстапка матырыйаалын хомуйан, онорон, куус-кеме буолбут дьоммут: Фомина Мария Михайловна саллаат ийэлэрин, огдооболорун, Шелихова Айталина Гаврильена эргиллибэтэх саллааттары онордулар. Сэрии бэтэрээнин кыыьа Фомина Акулина Михайловна а5атын Фомин Михаил Михайлович мэтээллэрин, докумуоннарын, сээкэйин аҕалан турорда, Колтовская Валентина Романовна Кыайыы юбилейнай хаартыскаларын мунньубутун кердеруугэ уурда, онно Кыйыы Юбилейын 20,30,40,45,50,55,60,65,70 сылларыгар туспут хаартыскалар бааллар. Сэрии бэтэрээнин кыыьа Федорова Вера Филипповна а5атыгар Спиридонов Филипп Алексеевичка оскуола о5олоро бэлэхтээбит альбомнарын туруорда.
Быыстапка тус туһунан тиэмэлэринэн ааттарыллан туоруллубут:
-теннен кэлбит саллааттар
— сэрии толоонугар охтубут саллааттар
— сэрии кэмигэр улэ фронугар улэлээбиттэр
— саллаат ийэлэрэ.
-Олохтоох библиотеката оскуола уерэнээччилэригэр «Война.Победа. Память» уруьуйдаппыт улэлэрэ
— бэтэрээннэр тустарынан хаьыатка тахсыбыт ыстатыйалар
— бастакы снайпер Д.А.Гуляевы сырдатар докумуоннар.
— «Военный чемодан»
Икки кʏн устата быыстапканы мустубут дьон астына — дуоһуйа кɵрдʏлэр, билистилэр. Быыстапка тэрээһинигэр кыттыыны ылбыт дьоммутугар махталбытын тиэрдэбит.
Кыайыы иһин турууласпыт хорсун дьоммут ааттара – суоллара хаһан да умнуллубатын.
