Бугун биҺиги чиэстиибит, сүгүрүйэбит сэрии суостаах уотун ортотунан элбэх эрэйи эҥэринэн тэлэн ааспыт кыайыы өрөгөйдөөх күнэ үүнэрин төлкөлөспүт хорсун буойуттарбытыгар, тыыл ветераннарыгар. Бүгүн биҺиги кэриэстиибит сэрии толоонугар охтубуттары. Биьиги бүгүҥҥү күҥҥэ өйдөөн ааҺыах тустаахпыт, дьон көҥүлүн, кини дьолун иҺин сырдык тыыннарын толук уурбуттары, олохторун биэрбиттэри. Кинилэр оҥорбут хорсун быҺыылара номоххо кубулуйаллар, норуот өйүн, сүрэ5ин уонна кини дууҺатын сор5отунан буолаллар. Ким да умнуллубат, туох да умнуллубат. Кинилэр бааллар биьиги бүгүҥҥү уонна сарсыҥҥы күүрээннээх олохпутугар.
Кыайыы монуменыгар буойуттарга анаммыт Өйдөбүнньүккэ кыргыһыы хонуутугар сырдык тыыннарын толук уурбут биир дойдулаахтарбыт ааттарын ааттаталаан, ахтан-санаан туран уонна киэн туттар биир дойдулаахпыт Дмитрий Гуляев скверыгар ытык бэлиэбитин сибэкки дьɵрбɵтʏн уурдубут.
Ийэ дойду көҥүлүн көмүскэлигэр өлбүт геройдар кэриэстэрэ үйэ саас тухары өлбөөдүйүө суо5а!
