Умнуллубат хорсун быһыы,
Умнуллубат тиһэх хаһыы –
Бʏгʏҥҥʏ кʏҥҥэ дуораһыйа
Иһилиннэ сʏрэх аайы.
Кэлэр кэмҥэ номох буолан
Кэриэстэниэ хас ааттара,
Мэлдьи эдэр герой буолан
Yйэлэргэ сылдьыахтара.
Ыам ыйын 8 кʏнʏгэр бʏтʏн Россиятааҕы “ Свеча памяти” акцияҕа кыттан кыайыы монуменыгар «Сүһүөхтүүн сүгүрүйэбит, хоолдьуктуун хоҥкуйабыт!» кэриэстэбил чүмэчини ууруу тэрээһиинэ ыытылынна.
Бу кырыктаах сэрии умайар уот кутаатыгар Модут, Боро5он нэҺилиэктэриттэн баран ийэ дойдуларын, бэйэлэрин төрөөбөт сахаларын сирин туҺугар 36 хорсун буойуттарбыт сырдык тыыннарын толук уурбуттара.
Бʏгʏн биһиги хас биирдиибит, ол уодаһыннаах сыллары ɵссɵ дириҥник ɵйдɵɵн – санаан туран, ытык дьоммут туохха да тэҥнэспэт хорсун быһыыларыгар сʏһʏɵхтээх бэйэбит сʏгʏрʏйэбит! Кыайыыны уһансыбыт, Ийэ дойдубут олоҕун онкулун уурсубут, үтүө мааны кыайыылаах көлүөнэҕэ, дойдуларыгар тапталларын уонна уоттаах сэрии хонууларыгар хорсун быһыыларын иһин, кинилэр үрдүк ааттарыгар барҕа махтал тылбытын этэн туран, хоолдьуктаах бэйэбит хоҥкуйан, сүһүөхтээх бэйэбит сүгүрүйэн, кинилэр сырдык ааттарын мүнүүтэннэн кэриэстээтибит…
Онтон салгыы биһиги эйэлээх олохпут иһин тыыннарын толук уурбут хорсун буойуттарбыт сырдык ааттарыгар кэриэстэбил чʏмэчини уурдубут. Бу тэрээһин хас биирдиибитигэр дириҥ ис суолталааҕын ɵйдɵɵн, кыра оҕотуттан саҕалаан сʏʏһʏнэн киһи кыттыыны ылбыта киһини ʏɵрдэр. Сырдык тыыннарын толук уурбут биир дойдулаахтарбыт ааттара хаһан да умнуллубакка кɵлʏɵнэттэн — кɵлʏɵнэҕэ ааттана туруоҕар эрэл кыымын саҕар.
Өйдʏʏбʏт, махтанабыт, киэн туттабыт!
