Бүгүн кыайыы күнэ!
Бүгүн өрөгөй күнэ!
Болуоссаттар уулуссалар
Кыайыы былаа5ынан
Кытыаста умайаллар!!!
Ыам ыйын 9 кʏнʏгэр нэҺилиэкпит дьоно-сэргэтэ тоҕуоруҺа мустаммыт центральнай уулуссаннан Кыайыы параадыгар сэлэлии хаамтыбыт. Өрөгөй күнүн параадын салайда нэҺилиэкпит баҺылыга Андрей Иннокентьевич Иванов. Бʏтʏн Арассыыйатааҕы акцияҕа кыттыҺан, дьон көҥүлүн, кини дьолун иҺин сырдык тыыннарын толук уурбут, олохторун биэрбит эҺээлэрбит, эбээлэрбит «Өлбɵт, ɵспɵт полк» буолан тэҥҥэ хаамыстылар. «День Победы» ырыаннан доҕуҺуоллатан, кыһыл былааҕынан кытыастан, плакаттары, шардары ɵрɵ тутан, Ураа хаһыынан Кыайыы монуменыгар кэллилэр.
Хорсун саллааттар Албан ааттара эдэр көлүөнэ ыччакка инникитин да5аны килбиэннээх холобур буолан ийэ дойдуну мунура суох таптыырга ынырар сулус буола туруо5а.
Улуу кыайыыга Уруй
Албан ааттаах буойуннарга Айхал!
Күөрэгэй дьиэрэтэ ыллаатын
Суох буоллун хара хаан тохтуута
Баар буоллун үөрүү көр мичээрэ
Туругур Эйэ, Эйэ, эйэ!
