Самаан сайыны айхаллыыр, Улуу Кыайыы 80 сылын уонна Аар саарга аатырбыт Улуу ууспут, Бүлүү улууһун бочуоттаах олохтооҕо, Арассыыйа тыатын хаһаайыстыбатын үтүѳлээх үлэһитэ Мальцев Кирилл Кириллович 100 сааһынУруйдуур Yрʏҥ Тунах ыҺыахпытын бэс ыйын 15 кʏнʏгэр Хомустаах эбэҕэ ыһыах ыһар тʏһʏлгэҕэ тэрийэн ыыттыбыт.Ыһыах ыҺар куммутугэр Иэйиэхсит Хотун итии-сылаас тыынынан илгийдэ, Алгыстаах Аар Тойон Аҕабыт аламай кʏн буолан чаҕылыйда, Ийэ айылҕабыт илбиргэстээх сэбирдэ5э буолан имэрийдэ, керʏлээҥ-оонньооҥ диэн кʏɵх сирэмин тэлгэттэ, сирин-дойдутун сибэккинэн симээтэ. Өбʏгэлэрбититтэн илдьэ кэлбит ʏтʏɵ ʏгэспитинэн тʏһʏлгэни арчылааьын сиэрин – туомун толорууттан саҕаланна. «Улыбка» оҕо Уһуйаанын коллектива маҥан халадаай былааччыйалаах, дэйбиирдээх киирэн тʏбʏрʏɵннэх тʏһʏлгэбитин кʏн дьɵһɵгɵй кутуругуттан оҥоһуллубут дэйбиирдэринэн ыраастааһын сиэрин – туомун толордулар. Ол кэннэ 9 айыыларга анаммыт 9кʏɵх тʏптэни унаарытан, кэҥэрдии сытын кэччиритэн, сирбитин, дойдубутун ситэн силигилээбитин, аан ийэ дойдубут иччитэ Аан алахчын эбэ Хотуҥҥа, от – мас иччитэ Эрэкэ – дьэрэкэ о5олор ʏрдʏк ааттарыгар ʏҥэн сʏктэн, тʏһʏлгэни кʏн хоту эргийэн киирэн Ийэ сири арчылааһын сиэрин туомун толордулар “Айылгы”, Чаина” коллективтар.Тʏһʏлгэни ыраастааһын сиэрин туомун толоруу кэннэ “Уруйдаана” коллектива салама ыйааһынын сиэрин – туомун толордулар. Дьэ ол кэннэ Yрʏҥ Илгэ ʏҥкʏʏтʏн “Чэмэли” тʏмсʏʏ коллектива толордо. Айхаллаах түhүлгэбитигэр тус илин диэкиттэн кылбайа кѳстѳр түүлэрдээх, кырааскалаах тумустаах, кылдьыылардаах харахтаах, ʏрүҥ кѳмүс ѳрѳҕѳлѳѳх, кыталыктыыра кыылларбыт кынталдьыйа кылбаhан, чэпчэкитик дугунан, ʏтүѳмсүйэ хамсанан оскуолабыт кыргыттара ʏҥкүүлээн киирдилэр. Арыы Алаас түһүлгэтигэр түҥ былыргыттан тэнийэн кэлбит сиэри тутуһан, алгыс тылын иҥэринэр кэммит тиийэн кэллэ. Ытык мааны Алгысчыппыт Семен Семенович Федоров 7 кыталык кыыс, 9 туруйа уол арыалдьыттанан тʏһʏлгэҕэ киириитин сʏһʏɵхпʏтʏгэр туран айхаллыы кɵрʏстʏбʏт. Алгыс тылын иччитин, хомоҕой тыл хомуһунун ɵйдүүн-санаалыын кыттыһан эттиин-сиинниин налыйан ис сүрэхпитинэн иҥэринэн Алгыс тылы ылынныбыт. Ыһыахпыт арыллыытын 5-с тʏһʏмэҕинэн кымыһынан айах тутуутун сиэрэ туома буолла. Былыр-былыргыттан өбүгэлэрбит саҕаттан илдьэ кэлбит үтүө үгэспитинэн Yрʏҥ Тунах ыһыахпыт үрдүк өрөгөй күнүгэр саамал кымыс бастыҥын айахтаах амсайа илигинэ биһиги нэһилиэкпит аҕа баһылыгар Андрей Иннокентьевич Ивановка туттаран айах ʏрдʏн охтороругар кɵрдɵстʏбʏт. Дьэ ол кэннэ мустубут ыалдьыттарбытын чорооннох кымыһынан кʏндʏлээтибит. Өрɵгɵйдɵɵх ыһыахпыт арыллыытын бары сиэрин-туомун тутуһан толорорбутугар кыттыыны ылбыт бары коллективтарбытыгар, тэрилтэлэрбитигэр махталбытын тиэрдэбит.
Ол кэнниттэн Бүлүү улууһун бочуоттаах олохтооҕо, Арассыыйа тыатын хаһаайыстыбатын үтүѳлээх үлэһитэ, аар саарга аатырбыт Улуу ууспут Мальцев Кирилл Кириллович 100 сааһынан анаан «Бороҕоҥҥо хомус дьиэрэйэр» театрализованнай дьʏһʏйʏʏ туоруордубут, нэһилиэкпит талааннаахтарын кʏʏһʏнэн эҕэрдэ концерт буолла.
Ол курдук:
1. Түѳлбэ аналлаах түһүлгэтин киэргэтиитэ кɵрʏҥҥэ
— 1 миэстэ Сарыал, Кэскил тʏɵлбэлэр
— 2 миэстэ “Кʏндэ” тʏɵлбэ
2. «Сандалы остуолум» түѳлбэлэринэн ас-үѳл кѳрүүтэ:
— 1 миэстэ “Кэскил” тʏɵлбэ
— 2 миэстэ “Сарыал” тʏɵлбэ
3. Түѳлбэнэн «Ол Улуу кэмнэргэ сүгүрүйэбит» Кыайыы 80 сылыгар аналлаах быыстапка кѳрүү күрэҕэ:
— 1 миэстэ “Кэскил” тʏɵлбэ
— 2 миэстэ “Кундэ” тʏɵлбэ
4. «Эйэ-дьол оһуохайа»:
— 1 миэстэ “Кэскил” тʏɵлбэ
— 2 миэстэ “Сарыал” тʏɵлбэ
— 3 миэстэ “Кундэ” тʏɵлбэ
Онон уопсай тʏмʏккэ кыайыылааҕынан “Кэскил” тʏɵлбэ буолла.
2 миэстэ “Сарыал
3 миэстэ “Кундэ”.
Кыайыылаахтар дипломнарынан, харчыннан на5араадаланнылар.
«Эйэ-дьол оһуохайа» оьуохай кʏрэҕэр оҕолорго:
1 миэстэ Крытнан Айсиэна
2 миэстэ Яковлева Зоя
3 миэстэ Федоров Эллэй
Улахан дьоҥҥо:
1 миэстэ Прокопьева Н.Т
2 миэстэ Саввинова А.А.
3 миэстэ Каратаева А.Д
кыайыылаахтар анал бириистэринэн, дипломнарынан наҕараадаланнылар.
