Биһиги нэһилиэкпититтэн элбэх эдэр ыччаттарбыт Афганистан, Чечня сэриилэригэр кыттан Ийэ дойдуларыгар ытык иэстэрин толорон кэлтэрэ, Украина5а буола турар анал байыаннай дьайыыга эйэлээх олох иһин туруулаһа сылдьаллар. Кинилэр хорсун быһыыларын ʏйэтитэр, кэлэр кɵлʏɵнэ ыччакка сырдатар сыаллаах оҥоһуллубут сквер 1 уочаратын арыллыыта буолла. Ыҥырыылаах ыалдьыттарынан буоллулар: Бʏлʏʏ улууһун баһылыгын солбуйааччыта Александр Игорьевич Комаров, Григорий Родионович Федоров – байыаннай дьайыы кыттыылаа5а, Арсен Реворьевич Васильев, — байыаннай дьайыы кыттыылаа5а, сквер памятнигын оҥорбут скульптор Афанасий Егорович Иванов. Арыллыы киири тылын эттилэр “Боро5он нэһилиэгэ” тыа сирин тʏɵлбэтин баһылыгынан талыллан ʏлэлээн эрэр Анатолий Олегович Васильев уонна 2015-2025 сылларга нэһилиэк баһылыгынан ʏлэлээбит Андрей Иннокентьевич Иванов. Сквер хантан ʏбʏлэнэн, хайдах былааннаахтык тутуллан 1 уочарата бʏппʏтʏн туһунан билиһиннэрдилэр. Ол кэннэ үөрүүлээх быһыыга – майгыга арыллар буойун памятнигын аалай кыһыл лиэнтэтин быһарга ыҥырылыннылар:
— Федоров Григорий Родионович – байыаннай дьайыы кыттыылаа5а
— Васильев Арсен Реворьевич — байыаннай дьайыы кыттыылаа5а
— Васильев Анатолий Олегович – Боро5он нэьилиэгин баьылыга
— Иванов Андрей Иннокентьевич – 2015-2025 сылларга нэһилиэк баһалыга
— сквер памятнигын оҥорбут скульптор Афанасий Егорович Иванов
— Бʏлʏʏ улууһун баһылыгын солбуйааччыта Александр Игорьевич Комаров.
Байыаннай дьайыы кыттыылаахтарын ааттарыттан тылы эттэ Хотугу Кавказка уонна Украинаҕа буола турар байыаннай дьайыыга кытта сылдьар Григорий Родионович Федоров. Нэһилиэк дьонугар-сэргэтигэр кɵмɵлɵрʏн иһин махтаналларын биллэрдэ.
Анал байыаннай дьайыыга сылдьар хорсун буойуннарбытыгар этэҥҥэ сылдьан эргиллэн кэлэллэригэр алгыс тыллар ананнылар.
Олохторун толук уурбут уолаттарбытын өрүү умнубаппыт, кинилэр биһиги өйбүтүгэр санаабытыгар мэлдьи бааллар… Хорсун уолаттарбыт сырдык ааттарын мʏнʏʏтэннэн кэриэстээтибит. Кинилэр бааллар биһиги ɵйбʏтʏгэр — сʏрэхпитигэр, бʏгʏҥҥʏ уонна сарсыҥҥы кʏʏрээннэх олохпутугар.
Улуус баьылыгын солбуйааччыта Александр Игорьевич Комаров «Эр санааланыы» ордены Украинаҕа буола турар анал байыаннай дьайыыга оло5ун толук уурбут хорсун — хоодуот уолбутугар Никита Александрович Константиновка туттарда. Ордены тɵрɵппʏттэрэ Наталья Амбросьевна, Александр Николаевич Константиновтар туттулар.
Сквер тутуутугар кʏʏс — кɵмɵ буолбут дьоммутугар махтал тыллара этилиннилэр, нэһилиэк дьаһалтатын аатыттан махтал суруктар туттарылыннылар. Ону сэргэ “Боро5он нэһилиэгин бочуоттаах олохтооҕо” анал бэлиэни туттардылар:
- Украинаҕа буола турар анал байыаннай дьайыыга оло5ун толук уурбут “Эр санааланыы” орден кавалера Константинов Никита Александровичка. Анал бэлиэни тɵрɵппʏттэрэ Наталья Амбросьевна, Александр Николаевич Константиновтар туттулар
- Украинаҕа буола турар анал байыаннай дьайыыга оло5ун толук уурбут Иванов Тимофей Тимофеевичка, анал бэлиэни а5ата Тимофей Николаевич Иванов тутта
- Байыаннай дьайыылар ветераннара,Чечня сэриитин кыттыылаа5а, Украинаҕа буола турар анал байыаннай дьайыы кыттыылаа5а Федоров Григорий Родионовичка
- Байыаннай дьайыы ветерана, Украинаҕа буола турар анал байыаннай дьайыы кыттыылаа5а Васильев Арсен Реворьевичка
“Боро5он нэһилиэгин сайдыытыгар кылаатын иһин” анал бэлиэннэн наҕараадаланна нэһилиэкпит общественнай олоҕун кɵхтɵɵх кыттааччыта, араас кэмнэрдээ5и байыаннай дьайыылар кыттыылаахтарыгар анаммыт Сквер тутуутугар дьоһун кылаатын киллэрбит Васильев Николай Афанасьевич.
Сир үрдүгэр мэлдьи ил-эйэ эрэ баар буоллун! Ханнык да түгэҥҥэ, хайа да кэмҥэ эрэли сүтэримиэҕиҥ, мэлдьи үтүѳҕэ, кэрэҕэ эрэнэ олоҕу олоруоҕуҥ. Уолаттарбыт этэҥҥэ дойдуларыгар эргиллэн кэлэллэригэр алгыһынан, айыы санааннан сылдьыаҕыҥ! — диэн алгыс тылларынан тэрээьиммитин тʏмʏктээтибит.
